വീട്ടിലേക്ക് പോകുമ്പോള്‍ ഓവര്‍ടേക്ക് ചെയ്‌തെത്തി ആക്രമണം; മലപ്പുറത്ത് സ്കൂട്ടറിൽ സഞ്ചരിക്കുകയായിരുന്ന അമ്മയെയും മകളെയും വെട്ടി; കാരണം വ്യക്തമല്ല; അന്വേഷണം തുടങ്ങി
By : സ്വന്തം ലേഖകൻ
Update: 2025-02-25 17:33 GMT
മലപ്പുറം: സ്കൂട്ടറിൽ സഞ്ചരിക്കുകയായിരുന്ന അമ്മയെയും മകളെയും വെട്ടി പരിക്കേൽപ്പിച്ചു. മലപ്പുറം തലപ്പാറയിലാണ് സംഭവം നടന്നത്. മൂന്നിയൂർ പാലക്കൽ സ്വദേശി സുമി (40), മകൾ ഷബ ഫാത്തിമ (17) എന്നിവർക്കാണ് വെട്ടേറ്റത്.
സ്കൂട്ടറിൽ എത്തിയയാൾ ഇവരെ ആക്രമിക്കുകയായിരുന്നു. പരിക്കേറ്റ ഇരുവരെയും ഇപ്പോൾ തിരൂരങ്ങാടി താലൂക്ക് ആശുപത്രിയിൽ പ്രവേശിപ്പിച്ചു. പക്ഷെ ഇവരുടെ പരിക്ക് ഗുരുതരമല്ലെന്നാണ് പോലീസ് നൽകുന്ന വിവരം.
പാലക്കലില്‍ നിന്നും മുമ്പ് താമസിച്ചിരുന്ന കൂരിയാട്ടെ മരണ വീട്ടിലേക്ക് പോകുമ്പോള്‍ ഓവര്‍ടേക്ക് ചെയ്‌തെത്തിയ ബൈക്ക് യാത്രക്കാരനാണ് ഇവരെ വെട്ടിയത്. രണ്ട് പേരുടെയും വലതുകൈയ്യിനാണ് വെട്ടേറ്റത്. സംഭവത്തിൽ കൂടുതൽ അന്വേഷണം നടക്കുന്നതായും പോലീസ് പറഞ്ഞു.സംഭവത്തിന് പിന്നിലുള്ള കാരണം വ്യക്തമല്ല.