സ്‌കൂള്‍ വിദ്യാര്‍ത്ഥിനിയെ പ്രണയം നടിച്ച് പീഡിപ്പിച്ചു; ഓട്ടോ ഡ്രൈവര്‍ അറസ്റ്റില്‍

തിരുവനന്തപുരം: സ്‌കൂള്‍ വിദ്യാര്‍ത്ഥിനിയെ പ്രണയം നടിച്ച് പീഡനത്തിനിരയാക്കിയ സംഭവത്തില്‍ ഓട്ടോ ഡ്രൈവറെ പൊലീസ് അറസ്റ്റ് ചെയ്തു. വെമ്പായം സ്വദേശി അരുണിനെയാണ് വട്ടപ്പാറ സര്‍ക്കിള്‍ ഇന്‍സ്‌പെക്ടര്‍ എസ് ശ്രീജിത്തിന്റെ നേതൃത്വത്തില് പിടികൂടിയത്. പ്രതിയുടെ ഓട്ടോയിലാണ് പെണ്‍കുട്ടി സ്‌കൂളിലും ട്യൂഷനും പോയിരുന്നത്.

സ്‌കൂളിലേക്കും ട്യൂഷ്യനും ഓട്ടോയില്‍ കൊണ്ടു പോകുന്നതിനിടെ അരുണ്‍ പെണ്‍കുട്ടിക്ക് മൊബൈല്‍ ഫോണ് വാങ്ങി നല്കി. പിന്നീട് പെണ്‍കുട്ടിയെ പ്രലോഭിപ്പിച്ച് പീഡനത്തിരയാക്കുകയായിരുന്നു. പ്രതിയുടെ ഭീഷണി മൂലം പെണ്‍കുട്ടി ഇക്കാര്യം ആരോടും പറഞ്ഞിരുന്നില്ല. അടുത്തിടെ പെണ്‍കുട്ടിയുടെ പെരുമാറ്റത്തില്‍ അസ്വഭാവികത തോന്നി ബന്ധുക്കള്‍ വിശദമായി കാര്യങ്ങള്‍ ചോദിച്ചപ്പോഴാണ് വിവരം പുറത്തു വന്നത്.