കണ്ണൂര്‍ ഗവ. മെഡിക്കല്‍ കോളേജിലെ പീഡന പരാതി; ജീവനക്കാരന് സസ്‌പെന്‍ഷന്‍
കണ്ണൂര്‍ ഗവ. മെഡിക്കല്‍ കോളേജിലെ പീഡന പരാതി; ജീവനക്കാരന് സസ്‌പെന്‍ഷന്‍
By : സ്വന്തം ലേഖകൻ
Update: 2025-04-26 03:39 GMT
പരിയാരം: കണ്ണൂര്‍ ഗവ. മെഡിക്കല്‍ കോളജില്‍ വിദ്യാര്‍ഥിനികളെ ലൈംഗികമായി പീഡിപ്പിക്കാന്‍ ശ്രമിച്ചതായ പരാതിയില്‍ ജീവനക്കാരനെ സസ്പെന്ഡ് ചെയ്തു. കാര്‍ഡിയോളജി വിഭാഗത്തിലെ താല്‍ക്കാലിക കാത്ത്ലാബ് ടെക്നീഷ്യനായ ശ്രീജിത്തിനെയാണ് ജോലിയില്‍ നിന്നും സസ്പെന്ഡ് ചെയ്തത്. ഇയാള്‍ക്കെതിരെ അന്വേഷണം നടന്നുവരുന്നതിനിടെയാണ് നടപടി. കഴിഞ്ഞ ദിവസമാണ് ഇതുസംബന്ധിച്ച് 12 വിദ്യാര്‍ഥിനികളുടെ പരാതി വകുപ്പ് മേധാവിക്ക് ലഭിച്ചത്.
നേരത്തേയും ഇയാള്‍ക്കെതിരെ പരാതി ലഭിച്ചിരുന്നുവെങ്കിലും ഒതുക്കുകയായിരുന്നുവെന്ന് പറയുന്നു. വനിത ഡോക്ടര്‍മാര്‍ ഉള്‍പ്പെടുന്ന ഇന്റേണല്‍ കമ്മിറ്റിയുടെ റിപ്പോര്‍ട്ട് വരുന്നതോടെ കര്‍ശനമായ മറ്റു നടപടികളുണ്ടാവും. പരാതി പൊലീസിന് കൈമാറുമെന്നാണ് വിവരം.