ആറ്റിങ്ങല്‍ താലൂക്ക് ആശുപത്രിയില്‍ ഭീകരാന്തരീക്ഷം സൃഷ്ടിച്ച് ചികിത്സയ്‌ക്കെത്തിയ ഗുണ്ടാ സംഘം; നാലു പേര്‍ പിടിയില്‍
ആറ്റിങ്ങല്‍ താലൂക്ക് ആശുപത്രിയില്‍ ഭീകരാന്തരീക്ഷം സൃഷ്ടിച്ച് ചികിത്സയ്‌ക്കെത്തിയ ഗുണ്ടാ സംഘം; നാലു പേര്‍ പിടിയില്‍
തിരുവനന്തപുരം: ആറ്റിങ്ങല്‍ താലൂക്ക് ആശുപത്രിയില്‍ ചികിത്സയ്ക്ക് എത്തിയ നാലംഗ ഗുണ്ടാ സംഘങ്ങള്‍ ഭീകരാന്തരീക്ഷം സൃഷ്ടിച്ചു. മംഗലപുരം പോലീസ് സ്റ്റേഷനിലെ റൗഡി ലിസ്റ്റില്‍ ഉള്‍പ്പെട്ട വിഷ്ണുവും കൂട്ടാളികളുമാണ് പ്രശ്‌നം സൃഷ്ടിച്ചത്.
ഡ്യൂട്ടിയിലുണ്ടായിരുന്ന ഡോക്ടറോടും ജീവനക്കാരോടും അപമര്യാദയായി പെരുമാറിയ പ്രതികള്‍ തൊട്ടുപിന്നാലെ ആക്രമണവും അഴിച്ചുവിട്ടു. വീണു പരിക്കേറ്റ ആളുമായാണ് നാലംഗ സംഘം ആശുപത്രിയില്‍ എത്തിയത്. രോഗിയെ പരിശോധിക്കാന്‍ ആശുപത്രി ജീവനക്കാര്‍ ശ്രമിക്കുന്നതിനിടെയാണ് നാലംഗ സംഘം ഭീകരാന്തരീക്ഷം സൃഷ്ടിച്ചതെന്നാണ് വിവരം.
ആശുപത്രി ജീവനക്കാര്‍ വിളിച്ചറിയച്ചത് പ്രകാരം പൊലീസ് സ്ഥലത്തെത്തി. പൊലീസിനെ കണ്ടയുടന്‍ പ്രതികള്‍ രക്ഷപ്പെടാന്‍ ശ്രമിച്ചു. എന്നാല്‍ നാല് പേരെയും പൊലീസുകാര്‍ വളഞ്ഞിട്ട് പിടിച്ചു. പൊലീസുകാരെ ആക്രമിച്ചതിലും പ്രതികള്‍ക്കെതിരെ കേസെടുക്കും.