പെരിയാറിന് കുറുകെ റെയില്‍വെ മേല്‍പ്പാലത്തില്‍ അറ്റകുറ്റപ്പണി; ബുധനാഴ്ച രണ്ടുട്രെയിനുകള്‍ റദ്ദാക്കി
ബുധനാഴ്ച രണ്ടുട്രെയിനുകള്‍ റദ്ദാക്കി
By : സ്വന്തം ലേഖകൻ
Update: 2025-08-05 13:59 GMT
കൊച്ചി: പെരിയാറിനു കുറുകെയുള്ള റെയില്‍വേ മേല്‍പ്പാലത്തില്‍ അറ്റകുറ്റപ്പണി നടക്കുന്നതിനാല്‍ നാളെ ട്രെയിന്‍ ഗതാഗതത്തില്‍ നിയന്ത്രണം ഏര്‍പ്പെടുത്തിയതായി റെയില്‍വേ. ബുധനാഴ്ച രണ്ടു ട്രെയിനുകള്‍ റദ്ദാക്കി. പാലക്കാട് - എറണാകുളം മെമു (66609), എറണാകുളം - പാലക്കാട് മെമു ട്രെയിനുകളാണ് റദ്ദാക്കിയത്.
ഇന്‍ഡോര്‍ - തിരുവനന്തപുരം നോര്‍ത്ത് എക്സ്പ്രസ് ഒന്നരമണിക്കൂറും സെക്കന്തരാബാദ് - തിരുവനന്തപുരം ശബരി എക്സ്പ്രസ് അര മണിക്കൂറും വൈകും. കണ്ണൂര്‍ - ആലപ്പുഴ എക്സിക്യൂട്ടീവ് ട്രെയിനും വൈകുമെന്ന് റെയില്‍വേ അറിയിച്ചു