പൊലീസ് സ്റ്റേഷനില്‍ കയറി തല്ലിയിട്ടുണ്ട്; ഇനിയും തല്ലും. തല്ലി മുട്ടുകാലൊടിക്കും; സി ഐയുടെ ഓഫീസില്‍ കയറി കസേര കൊണ്ട് തല്ലിയിട്ടുണ്ട്; ബിജെപി നേതാവിന്റെ ഭീഷണി ചര്‍ച്ചകളില്‍
വണ്ണപ്പുറം: ഇടുക്കിയില്‍ പൊലീസിനുനേരെ ഭീഷണി പ്രസംഗവുമായി ബിജെപി നേതാവ്. വണ്ണപ്പുറം മണ്ഡലം ജനറല്‍ സെക്രട്ടറി സുരേഷാണ് ഭീഷണിപ്രസംഗം നടത്തിയത്. വണ്ണപ്പുറം പഞ്ചായത്തിനെതിരെ ബിജെപി നടത്തിയ പ്രതിഷേധപരിപാടിയില്‍ അനധികൃതമായി മൈക്ക് സെറ്റ് പ്രവര്‍ത്തിപ്പിച്ചിരുന്നു.
ഇതിനെത്തുടര്‍ന്ന് മറ്റ് ബിജെപി പ്രവര്‍ത്തകര്‍ക്കും സുരേഷിനുമെതിരെ പൊലീസ് കേസ് എടുത്തിരുന്നു. ഇതില്‍ പ്രതിഷേധിച്ച് നടത്തിയ പൊലീസ് സ്റ്റേഷന്‍ മാര്‍ച്ചിലായിരുന്നു സുരേഷിന്റെ ഭീഷണി പ്രസംഗം. പൊലീസുകാരെ സ്റ്റേഷനില്‍ കയറി തല്ലുമെന്നായിരുന്നു ഭീഷണി.
പൊലീസ് സ്റ്റേഷനില്‍ കയറി തല്ലിയിട്ടുണ്ട്. ഇനിയും തല്ലും. തല്ലി മുട്ടുകാലൊടിക്കും. സി ഐയുടെ ഓഫീസില്‍ കയറി കസേര കൊണ്ട് തല്ലിയിട്ടുണ്ട്, അതുകൊണ്ട് പൊലീസുകാരെ തല്ലാനൊന്നും മടിയില്ല. ഇത് പഴയ എസ്ഐയോട് ചോദിച്ചാല്‍ മതി. ഞങ്ങളുടെ പ്രവര്‍ത്തകരോട് മര്യാദകേട് കാണിച്ചാല്‍ ഇനിയും തല്ലുമെന്നും സുരേഷ് ഭീഷണി മുഴക്കി.