ഫോട്ടോ എടുക്കുന്നതിനിടെ കെട്ടിടത്തില്‍ നിന്ന് വീണു; ദുബായില്‍ യുവാവിന് ദാരുണാന്ത്യം; മരിച്ചത് വെള്ളിപറമ്പ് സ്വദേശി മുഹമ്മദ് മിശാല്‍
By : സ്വന്തം ലേഖകൻ
Update: 2025-11-09 07:30 GMT
ദുബായ്: ദുബായില്‍ ഫോട്ടോ എടുക്കുന്നതിനിടെ കെട്ടിടത്തില്‍ നിന്ന് വീണ് മലയാളി യുവാവ് മരിച്ചു. കോഴിക്കോട് വെള്ളിപറമ്പ് സ്വദേശി മുഹമ്മദ് മിശാല്‍ (19 ) ആണ് മരിച്ചത്. ഇന്നലെ രാത്രിയാണ് അപകടം. പരിക്കേറ്റ മിശാലിനെ ദുബൈ റാഷിദ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ദുബായില്‍ സന്ദര്‍ശക വിസയില്‍ എത്തിയതായിരുന്നു. വെള്ളിപ്പറമ്പ് വിരുപ്പില്‍ മുനീറിന്റെയും ആയിഷയുടേയും മകനാണ്. നടപടിക്രമങ്ങള്‍ പൂര്‍ത്തീകരിച്ച് മയ്യത്ത് നാട്ടിലേക്ക് കൊണ്ടുപോകുമെന്ന് ബന്ധുക്കള്‍ അറിയിച്ചു.