കേരളത്തില്‍ ഇന്ന് ശക്തമായ മഴയ്ക്ക് സാധ്യത; ഇടുക്കിയിലും മലപ്പുറത്തും വയനാടും യെല്ലോ അലര്‍ട്ട്
തിരുവനന്തപുരം: കേരളത്തില്‍ ഇന്ന് ശക്തമായ മഴയ്ക്ക് സാധ്യത. ഇടുക്കി, മലപ്പുറം, വയനാട് ജില്ലകളിലാണ് യെല്ലോ അലര്‍ട്ട് പ്രഖ്യാപിച്ചത്. ഇവിടങ്ങളില്‍ ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്‍ത്ഥമാക്കുന്നത്. ദിത്വ തമിഴ്നാട് തീരത്തോട് അടുക്കുന്നു.
ദിത്വ ചുഴലിക്കാറ്റ് കിഴക്കന്‍ തീരത്തോട് അടുക്കുന്നതിനാല്‍ തമിഴ്നാട്ടിലെയും പുതുച്ചേരിയിലെയും നിരവധി ജില്ലകളില്‍ അതിശക്തമായ മഴ പ്രതീക്ഷിക്കുന്നതായി കാലാവസ്ഥാ വകുപ്പ്. ചുഴലിക്കാറ്റ് തീരം തൊടുമെന്ന് പ്രതീക്ഷിക്കുന്നില്ലെന്നും പകരം, അടുത്ത കുറച്ച് മണിക്കൂറുകളില്‍ ഇത് ദുര്‍ബലമാവുകയും തമിഴ്നാട്-പുതച്ചേരി തീരങ്ങള്‍ക്ക് സമാന്തരമായി വടക്കോട്ട് നീങ്ങുകയും ചെയ്യുമെന്നുമാണ് നിരീക്ഷണം. ചുഴലിക്കാറ്റിന്റെ പ്രഭാവത്തില്‍ തമിഴ്‌നാട്ടിലെ വടക്കന്‍ ജില്ലകളില്‍ കനത്ത മഴ തുടരുകയാണ്.