വലിയ ശബ്ദത്തോടെ കാർ പൊട്ടിത്തെറിച്ചു; മരടിൽ കാറുകൾക്ക് തീപിടിച്ചു; സമീപത്തുണ്ടായിരുന്ന ഹരിതകർമസേനയുടെ ഉന്തുവണ്ടിയും പൂർണമായി കത്തിനശിച്ചു; ആളപായമില്ല

കൊച്ചി: മരടിൽ കാറുകൾക്ക് തീപിടിച്ച് അപകടം. കുണ്ടന്നൂർ പാലത്തിന് സമീപത്ത് വെച്ചാണ് രണ്ട് കാറുകൾക്ക് തീപിടിച്ചത്. വലിയ ശബ്ദത്തോടെ ഒരു കാർ പൊട്ടിത്തെറിച്ചെങ്കിലും സംഭവത്തിൽ ആളപായമോ ആർക്കും പരിക്കോ ഉണ്ടായില്ല. സമീപത്തുണ്ടായിരുന്ന ഹരിതകർമസേനയുടെ ഒരു ഉന്തുവണ്ടിയും തീപിടിത്തത്തിൽ പൂർണമായി കത്തിനശിച്ചു. വിവരമറിഞ്ഞയുടൻ കടവന്ത്രയിൽ നിന്ന് രണ്ട് യൂണിറ്റ് അഗ്നിരക്ഷാസേന സ്ഥലത്തെത്തി തീ അണച്ചത്.