പ്രചരണം കഴിഞ്ഞ് വീട്ടിലെത്തിയ ഉടന് കുഴഞ്ഞുവീണു; യുഡിഎഫ് സ്ഥാനാര്ഥിക്ക് ദാരുണാന്ത്യം; മൂത്തേടം പഞ്ചായത്തിലെ ഏഴാം വാര്ഡില് തെരഞ്ഞെടുപ്പ് മാറ്റി
നിലമ്പൂര്: സ്ഥാനാര്ഥി കുഴഞ്ഞുവീണ് മരിച്ചതിനെ തുടര്ന്ന് മലപ്പുറം ജില്ലയില് മൂത്തേടം പഞ്ചായത്തിലെ ഏഴാം വാര്ഡില് തെരഞ്ഞെടുപ്പ് മാറ്റിവെച്ചു. യുഡിഎഫ് സ്ഥാനാര്ഥിയായ വെട്ടത്ത് ഹസീന (52) യാണ് കുഴഞ്ഞുവീണ് മരിച്ചത്. രാത്രി വരെ നീണ്ട പ്രചാരണത്തിന് ശേഷം വീട്ടിലെത്തിയ ഉടനെ കുഴഞ്ഞുവീഴുകയായിരുന്നു. ഇന്നലെ രാത്രിയാണ് സംഭവം. പായിമ്പാടം അങ്കണവാടി അധ്യാപികയയ ഹസീന മുസ്ലീം ലീഗിന്റെ സജീവ പ്രവര്ത്തകയായിരുന്നു.
കഴിഞ്ഞദിവസം തെരഞ്ഞെടുപ്പ് പ്രചാരണത്തിന്റെ ഭാഗമായി വോട്ട് ചോദിക്കാനായി വീടുകളിലും കുടുംബയോഗങ്ങളിലും സ്ഥാനാര്ഥി സജീവമായി പങ്കെടുത്തിരുന്നു. രാത്രി 11.15 ഓടെയാണ് ഹസീന വീട്ടിലെത്തിയത്. പിന്നാലെ ദേഹാസ്വസ്ഥ്യം അനുഭവപ്പെട്ട് കുഴഞ്ഞ് വീഴുകയായിരുന്നു. ഹൃദയാഘാതമാണ് മരണകാരണമെന്നാണ് പ്രാഥമിക വിവരം. എടക്കരയിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം വീട്ടിലെത്തിച്ച് ഖബറടക്കി.