ഭാര്യയുടെ സഹോദരി ഭര്ത്താവിനെ കുത്തിക്കൊന്നു; ചിറ്റൂരില് ബിജെപി സ്ഥാനാര്ത്ഥിയായി മത്സരിച്ചയാള് പിടിയില്
പാലക്കാട്: ചിറ്റൂരില് ഭാര്യയുടെ സഹോദരി ഭര്ത്താവിനെ ബിജെപി സ്ഥാനാര്ത്ഥിയായി മത്സരിച്ചയാള് കുത്തിക്കൊന്നു. പൊല്പ്പുള്ളി 6-ാം വാര്ഡ് ബിജെപി സ്ഥാനാര്ത്ഥിയായിരുന്ന പ്രമോദ് കുമാറാണ് ബന്ധുവിനെ കൊലപ്പെടുത്തിയത്. പൊല്പ്പുള്ളി സ്വദേശി ശരത് (35) ആണ് മരിച്ചത്. ഇന്ന് വൈകിട്ട് അഞ്ചരയോടെ പൊല്പ്പുള്ളി കെവിഎം സ്കൂളിന് മുന്നില് വച്ചാണ് സംഭവം. സംഭവത്തില് പ്രമോദിനെ പൊലീസ് കസ്റ്റഡിയിലെടുത്തു.
പ്രമോദിന്റെ ഭാര്യയുടെ സഹോദരി ഭര്ത്താവാണ് കൊല്ലപ്പെട്ടത്. കുടുംബ പ്രശ്നത്തെ തുടര്ന്ന് സ്കൂളിന് മുന്നിലെ റോഡില് വച്ച് കയ്യിലുണ്ടായിരുന്ന താക്കോല് ഉപയോഗിച്ച് പ്രതി ശരത്തിന്റെ കഴുത്തില് കുത്തി പരിക്കേല്പ്പിക്കുകയുമായിരുന്നു. ഉടന് പാലക്കാട് ജില്ലാ ആശുപത്രിയില് എത്തിച്ചെങ്കിലും ഏഴുമണിയോടെ മരണം സ്ഥിരീകരിക്കുകയായിരുന്നു. സംഭവത്തില് പൊലീസ് അന്വേഷണം തുടങ്ങി.