അവിശ്വസനീയം, ഹൃദയഭേദകം; ഗാനങ്ങളിലൂടെ അമരത്വം നേടിയ മഹാഗായകന്റെ ആത്മാവിന് നിത്യശാന്തി നേരുന്നു; അനുശോചനം അറിയിച്ച് കോണ്‍ഗ്രസ് നേതാവ് രമേശ് ചെന്നിത്തല
Update: 2025-01-09 16:59 GMT
തിരുവനന്തപുരം: അന്തരിച്ച മലയാളത്തിന്റെ പ്രിയ ഗായകന്‍ പി ജയചന്ദ്രന് അനുശോനമറിയിച്ച് കോണ്‍ഗ്രസ് നേതാവ് രമേശ് ചെന്നിത്തല. അദ്ദേഹത്തിന്റെ വിയോഗ വാര്‍ത്ത വിശ്വസിക്കാന്‍ കഴിയുന്നില്ല. ഹൃദയഭേദകമാണ്. തന്റെ ഗാനങ്ങളിലൂടെ അമരത്വം നേടിയ മഹാഗായകന്റെ ആത്മാവിന് നിത്യശാന്തി നേരുന്നു എന്ന് അദ്ദേഹം പറഞ്ഞു.
ഔപചാരികമായി ശാസ്ത്രീയ സംഗീതം പഠിച്ചില്ലെങ്കിലും ജന്മസിദ്ധി കൊണ്ട് സം?ഗീതത്തിന്റെ ഗിരിശൃംഗങ്ങള്‍ കീഴടക്കിയ ഗായകനാണ് ജയചന്ദ്രന്. സംസ്ഥാന സ്‌കൂള്‍ കലോത്സവ വേദിയില്‍ കെ.ജെ യേശുദാസിന്റെ പാട്ടിനു പക്കമേളമിട്ടു തുടങ്ങിയ സംഗീത സപര്യയാണ് പെയ്‌തൊഴിയുന്നത്. മലയാളിയുവതയുടെ പ്രണയ തന്ത്രികളില്‍ എല്ലാ കാലത്തും വരിലോടിച്ച ഈ മഹാഗായകന്റെ അനശ്വരഗാനങ്ങള്‍ക്കു മുന്നില്‍ തന്റെ സ്‌നേഹപ്രണാമമെന്നും അദ്ദേഹം കൂട്ടിച്ചേര്‍ത്തു.