സ്‌കൂളിലേക്ക് പോയ വിദ്യാർത്ഥി മടങ്ങിയെത്തിയില്ല; വീട്ടുകാരുടെ അന്വേഷണത്തിൽ സ്‌കൂളിലും എത്തിയിട്ടില്ലെന്ന് ഉറപ്പായി; അന്വേഷണം ആരംഭിച്ച് പോലീസ്

തൃശൂർ: എരുമപ്പെട്ടി സ്വദേശിയായ സ്‌കൂൾ വിദ്യാർത്ഥിയെ കാണാതായതായെന്ന പരാതിയിൽ പോലീസ് അന്വേഷണം ആരംഭിച്ചു. മന്തിയത്ത് വീട്ടിൽ സുരേഷിൻ്റെ മകൻ അനന്തനെയാണ്(16) കാണാതായത്. വരവൂർ ഗവ.ഹയർ സെക്കണ്ടറി സ്കൂളിലെ പ്ലസ് വൺ വിദ്യാർത്ഥിയാണ്. ഇന്നലെ രാവിലെ സ്കൂളിലേക്ക് പോകുന്നുവെന്ന് പറഞ്ഞാണ് അനന്തൻ പോയത്. എന്നാൽ വീട്ടിലെത്തേണ്ട സമയം കഴിഞ്ഞിട്ടും വിദ്യാർത്ഥി മടങ്ങി വന്നില്ല.

തുടർന്ന് വീട്ടുകാർ നടത്തിയ അന്വേഷണത്തിൽ അനന്തൻ സ്‌കൂളിൽ എത്തിയില്ലെന്ന് മനസിലായത്. പിന്നാലെ ബന്ധുക്കളുടെ വീടുകളിലും സുഹൃത്തുക്കളോടും അന്വേഷിച്ചെങ്കിലും അനന്തനെ കണ്ടെത്താൻ കഴിഞ്ഞില്ല. തുടർന്ന് മാതാപിതാക്കൾ എരുമപ്പെട്ടി പോലീസിൽ പരാതി നൽകുകയായിരുന്നു. തുടർന്ന് കേസെടുത്ത് പോലീസ് അന്വേഷണം ആരംഭിച്ചു.