കൂട്ടുകാർക്കൊപ്പം കുളത്തിൽ കുളിക്കാനിറങ്ങി; പിന്നാലെ മുങ്ങിത്താഴ്ന്ന് അപകടം; വിദ്യാർത്ഥിക്ക് ദാരുണാന്ത്യം; സംഭവം കണ്ണൂരിൽ

കണ്ണൂർ: കുളത്തിൽ കുളിക്കാനിറങ്ങിയ വിദ്യാർത്ഥി മുങ്ങിമരിച്ചു. കണ്ണൂർ മട്ടന്നൂരിലാണ് ദാരുണ സംഭവം നടന്നത്. കാട്യംപുറം സ്വദേശി എ കെ ദീക്ഷിത് ആണ് ‌മരിച്ചത്. 12 വയസായിരുന്നു. മനോജ് - വിജിന ദമ്പതികളുടെ മകനാണ് ദീക്ഷിത്.

നെല്ലൂന്നിയിലെ കുളത്തിലാണ് അപകടം. സുഹൃത്തുകള്‍ക്കൊപ്പം കുളത്തിൽ കുളിക്കാനിറങ്ങിയ ദീക്ഷിത് മുങ്ങിത്താഴുകയായിരുന്നു. പര്യാരം യുപി സ്കൂളിലെ ആറാം ക്ലാസ് വിദ്യാർത്ഥിയാണ് ദീക്ഷിത്.സ്ഥലത്ത് പോലീസെത്തി ബാക്കി നടപടികൾ പൂർത്തിയാക്കി.