പുലികളി സംഘങ്ങള്‍ക്ക് ധനസഹായം വൈകാന്‍ കാരണം ടൂറിസം വകുപ്പിന്റെ അനാസ്ഥ; സംസ്ഥാന സര്‍ക്കാരിനെ കുറ്റപ്പെടുത്തി കേന്ദ്രമന്ത്രി സുരേഷ് ഗോപി

തൃശൂര്‍: പുലികളി സംഘങ്ങള്‍ക്ക് ധനസഹായം വൈകാന്‍ കാരണം ടൂറിസം വകുപ്പിന്റെ അനാസ്ഥയെന്ന് കേന്ദ്രമന്ത്രി സുരേഷ് ഗോപി. പുലിക്കളി സംഘങ്ങളുടെ ചെലവ് കണക്ക് സംസ്ഥാന ടൂറിസം വകുപ്പ് നല്‍കിയില്ലെന്നും അദ്ദേഹം പറഞ്ഞു. പുലിക്കളി സംഘങ്ങള്‍ക്ക് ധനസഹായം ഇനിയും ലഭിക്കാത്തത് വിവാദമായിരുന്നു. ഓരോ പുലിക്കളി സംഘത്തിനും മൂന്നു ലക്ഷം രൂപയായിരുന്നു കേന്ദ്ര ധനസഹായം. സ്വന്തം ഇടപെടലിലൂടെയാണ് കേന്ദ്രത്തില്‍ നിന്ന് പണം വാങ്ങി നല്‍കിയതെന്നും സുരേഷ് ഗോപി വിശദീകരിച്ചു.

കേരളത്തില്‍ എത്ര സ്‌കൂളുകള്‍ തകര്‍ന്ന് വീണു. കുട്ടികള്‍ അറിഞ്ഞിരിക്കേണ്ട ചരിത്രമാണ് പിഎം ശ്രീയില്‍ ഉള്‍പ്പെടുത്തുന്നത്. അങ്ങനെ പഠിപ്പിക്കുന്നത് കൊണ്ട് ആര്‍ക്കാണ് ഭയമെന്നും സുരേഷ് ഗോപി ചോദിച്ചു.