ആറ്റുകാല്‍ പൊങ്കാല: സ്‌പെഷ്യല്‍ ട്രെയിനുകളും സ്റ്റോപ്പുകളും പ്രഖ്യാപിച്ച് റെയില്‍വേ; സ്ഥിരം ട്രെയിനുകള്‍ക്ക് ചില താല്‍ക്കാലിക സ്റ്റോപ്പുകളും; ട്രെയിനുകളുടെ സമയം പുനക്രമീകരിക്കുകയും ചെയ്തു
തിരുവനന്തപുരം: ആറ്റുകാല്‍ പൊങ്കാലയോട് അനുബന്ധിബ്ബ് സ്‌പെഷ്യല്‍ ട്രെയിനുകളും സ്റ്റോപ്പുകളും പ്രഖ്യാപിച്ച് റെയില്‍വേ. സ്‌പെഷ്യല്‍ ട്രെയിനുകള്‍ക്ക് പുറമേ സ്ഥിരം ട്രെയിനുകള്‍ക്ക് ചില താല്‍ക്കാലിക സ്റ്റോപ്പുകള്‍ അനുവദിക്കുകയും ചില ട്രെയിനുകളുടെ സമയം പുനക്രമീകരിക്കുകയും ചെയ്തിട്ടുണ്ടെന്ന് റെയില്‍വേ അറിയിച്ചു. മാര്‍ച്ച് 13ന് പുലര്‍ച്ചെ 1.30ന് എറണാകുളം ജംക്ഷനില്‍നിന്നു പുറപ്പെടുന്ന സ്‌പെഷല്‍ ട്രെയിന്‍ (06077) രാവിലെ 6.30ന് തിരുവനന്തപുരം സെന്‍ട്രലില്‍ എത്തും. തിരുവനന്തപുരത്തുനിന്നു പൊങ്കാല ദിവസം പകല്‍ 2.15നു പുറപ്പെടുന്ന സ്‌പെഷല്‍ ട്രെയിന്‍ (06078) രാത്രി 7.40ന് എറണാകുളത്ത് തിരികെ എത്തിച്ചേരും. മറ്റു ട്രെയിനുകളുടെ സമയവും അനുവദിച്ചിരിക്കുന്ന താല്‍കാലിക സ്റ്റോപ്പുകളുടെ വിവരങ്ങളും ഇപ്രകാരമാണ്.
മാര്‍ച്ച് 13ന് പുറപ്പെടുന്ന കന്യാകുമാരി പുനലൂര്‍ പാസഞ്ചറിന് (56706) ചിറയിന്‍കീഴ്, കടയ്ക്കാവൂര്‍, ഇടവ, മയ്യനാട് എന്നിവിടങ്ങളില്‍ സ്റ്റോപ്പ് അനുവദിച്ചു. തിരുവനന്തപുരം ചെന്നൈ സെന്‍ട്രല്‍ സൂപ്പര്‍ഫാസ്റ്റ് എക്‌സ്പ്രസിന് (12624) കഴക്കൂട്ടം, കടയ്ക്കാവൂര്‍, ചിറയിന്‍കീഴ് സ്റ്റേഷനുകളിലും, തിരുവനന്തപുരം- ചെന്നൈ സെന്‍ട്രല്‍ സൂപ്പര്‍ഫാസ്റ്റ് എക്‌സ്പ്രസിന് (12696) കഴക്കൂട്ടം, ചിറയിന്‍കീഴ്, കടയ്ക്കാവൂര്‍ സ്റ്റേഷനുകളിലും നാഗര്‍കോവില്‍ മംഗളൂരു പരശുറാം എക്‌സ്പ്രസിന് (16650) ബാലരാമപുരം, തിരുവനന്തപുരം സൗത്ത് സ്റ്റേഷനുകളിലും, നാഗര്‍കോവില്‍ മംഗളൂരു പരശുറാം എക്‌സ്പ്രസിന് (16650) ബാലരാമപുരം, തിരുവനന്തപുരം സൗത്ത് റെയില്‍വേ സ്റ്റേഷനുകളിലും കൊല്ലം ചെന്നൈ എഗ്മൂര്‍ എക്‌സ്പ്രസിന് (20636) തിരുവനന്തപുരം സൗത്ത്, ബാലരാമപുരം, ധനുവച്ചപുരം, പള്ളിയാടി സ്റ്റേഷനുകളിലും ഷാലിമാര്‍ തിരുവനന്തപുരം എക്‌സ്പ്രസിന് (22641) മാരാരിക്കുളം, തുറവൂര്‍ സ്റ്റേഷനുകളിലും തിരുവനന്തപുരം മംഗളൂരു മലബാര്‍ എക്‌സ്പ്രസിന് (16629) മയ്യനാട് സ്റ്റേഷനിലും താത്കാലിക സ്റ്റോപ്പ് അനുവദിച്ചു.
മാര്‍ച്ച് 12ന് പുറപ്പെടുന്ന മംഗളൂരു- തിരുവനന്തപുരം എക്‌സ്പ്രസിന് (16348) കടയ്ക്കാവൂര്‍ സ്റ്റേഷനിലും മധുര- പുനലൂര്‍ എക്‌സ്പ്രസിന് (16729) പള്ളിയാടി, കുഴിത്തുറ, ബാലരാമപുരം, തിരുവനന്തപുരം സൗത്ത് സ്റ്റേഷനുകളിലും മംഗളൂരു സെന്‍ട്രല്‍ കന്യാകുമാരി എക്‌സ്പ്രസിന് (16649) മയ്യനാട്, കടയ്ക്കാവൂര്‍ സ്റ്റേഷനുകളിലും ഷൊര്‍ണൂര്‍ തിരുവനന്തപുരം- വേണാട് എക്‌സ്പ്രസിന് (16301) മുരുക്കുംപുഴ സ്റ്റേഷനിലും മംഗളൂരു തിരുവനന്തപുരം ഏറനാട് എക്‌സ്പ്രസിന് (16605) മാരാരിക്കുളത്തും നാഗര്‍കോവില്‍- കോട്ടയം എക്‌സ്പ്രസിന് നാഗര്‍കോവില്‍ ടൗണ്‍ വീരനല്ലൂര്‍, പള്ളിയാടി, കുഴിത്തുറ വെസ്റ്റ്, ധനുവച്ചപുരം, അമരവിള, ബാലരാമപുരം സ്റ്റേഷനുകളിലും കന്യാകുമാരി- പുനലൂര്‍ പാസഞ്ചറിന് (56706) നാഗര്‍കോവില്‍ ടൗണ്‍, വീരനല്ലൂര്‍, പള്ളിയാടി കുഴിത്തുറ വെസ്റ്റ്, അമരവിള സ്റ്റേഷനുകളിലും ഗുരുവായൂര്‍- ചെന്നൈ എഗ്മൂര്‍ എക്‌സ്പ്രസിന് (16128) തുറവൂര്‍, മാരാരിക്കുളം, അമ്പലപ്പുഴ, ഹരിപ്പാട് സ്റ്റേഷനുകളിലും മധുര- തിരുവനന്തപുരം എക്‌സ്പ്രസിന് (16344) പരവൂര്‍, കടയ്ക്കാവൂര്‍, നോര്‍ത ചിറയിന്‍കീഴ്, മുരുക്കുംപുഴ, പേട്ട സ്റ്റേഷനുകളിലും മംഗളൂരു തിരുവനന്തപുരം എക്‌സ്പ്രസിന് (16603) തുറവൂര്‍, മാരാരിക്കുളം, പേട്ട സ്റ്റേഷനുകളിലും ചെന്നൈ സെന്‍ട്രല്‍ തിരുവനന്തപുരം സൂപ്പര്‍ഫാസ്റ്റ് എക്‌സ്പ്രസിന് (12695) പരവൂര്‍, കടയ്ക്കാവൂര്‍, ചിറയിന്‍കീഴ്, പേട്ട സ്റ്റേഷനുകളിലും മംഗളൂരു- തിരുവനന്തപുരം മലബാര്‍ എക്‌സ്പ്രസിന് (16630) മയ്യനാട് സ്റ്റേഷനിലും മൈസൂര്‍ തിരുവനന്തപുരം നോര്‍ത്ത് എക്‌സ്പ്രസിന് (16315) തുറവൂര്‍, മാരാരിക്കുളം സ്റ്റേഷനിലും താത്കാലിക സ്റ്റോപ്പ് അനുവദിച്ചു.
മാര്‍ച്ച് 10ന് പുറപ്പെടുന്ന ന്യൂഡല്‍ഹി-തിരുവനന്തപുരം കേരള എക്‌സ്പ്രസിന് (12626) ഏറ്റുമാനൂര്‍, പരവൂര്‍, ചിറയിന്‍കീഴ് സ്റ്റേഷനുകളിലും ശ്രീമാതാ വൈഷ്‌ണോ ദേവി കന്യാകുമാരി ഹിമസാഗര്‍ എക്‌സ്പ്രസിന് നെയ്യാറ്റിന്‍കര, പാറശാല, ഇരണിയല്‍, നാഗര്‍കോവില്‍ ടൗണ്‍ സ്റ്റേഷനുകളിലും താത്കാലിക സ്റ്റോപ്പ് അനുവദിച്ചു. മാര്‍ച്ച് 11ന് പുറപ്പെടുന്ന ലോകമാന്യതിലക് തിരുവനന്തപുരം നേത്രാവതി എക്‌സ്പ്രസിന് (16345) തുറവൂര്‍, മാരാരിക്കുളം, പരവൂര്‍, കടയ്ക്കാവൂര്‍ സ്റ്റേഷനുകളിലും സെക്കന്ദരാബാദ്- തിരുവനന്തപുരം എക്‌സ്പ്രസിന് (17230) ഇരിഞ്ഞാലക്കുട, ചാലക്കുടി, അങ്കമാലി, കാലടി, തൃപ്പൂണിത്തുറ, ഏറ്റുമാനൂര്‍, പരവൂര്‍, കടയ്ക്കാവൂര്‍, ചിറയിന്‍കീഴ് സ്റ്റേഷനുകളിലും താത്കാലിക സ്റ്റോപ്പ് അനുവദിച്ചു.
കന്യാകുമാരിയില്‍നിന്നു 13ന് രാവിലെ 10.10ന് പുറപ്പെടുന്ന മംഗളൂരു എക്‌സ്പ്രസ് (16525) ഒരു മണിക്കൂര്‍ വൈകി 11.10നായിരിക്കും പുറപ്പെടുക.13ന് പകല്‍ 1.25ന് തിരുവനന്തപുരം നോര്‍ത്തില്‍നിന്നു പുറപ്പെടുന്ന നാഗര്‍കോവില്‍ പാസഞ്ചര്‍ (56310) 35 മിനിറ്റ് വൈകി പകല്‍ 2.00നായിരിക്കും പുറപ്പെടുക.