'ദിലീപിനെതിരായ ആരോപണങ്ങൾ ദുർബലം, വെറുതെ വിട്ടതിൽ അത്ഭുതമില്ല'; ഗൂഢാലോചനാ കുറ്റം തെളിയിക്കുന്നത് വലിയ ബുദ്ധിമുട്ട്; വർഷങ്ങളോളം പ്രതിക്കൂട്ടിൽ നിന്നത് ചെറിയ ശിക്ഷയല്ല; സാക്ഷികളെ കൂറുമാറ്റാനും തെളിവുകൾ തിരുത്താനും നല്ലൊരു തുക ചെലവഴിച്ചു; ജനപ്രിയ നായകന് നിയമനടപടികൾ ഇനിയും തുടരേണ്ടി വരുമെന്നും അഡ്വക്കേറ്റ് ജയശങ്കർ
കൊച്ചി: നടി ആക്രമിച്ച കേസിൽ നടൻ ദിലീപിനെ വിട്ടയച്ച കോടതി വിധിയോട് പ്രതികരിച്ച് അഡ്വക്കേറ്റ് ജയശങ്കർ രംഗത്ത് വന്നു. ഈ വിധി താൻ നേരത്തെ പ്രവചിച്ചിരുന്നു എന്നും, ദിലീപിനെ വെറുതെ വിട്ടത് ഏതാണ്ട് ഉറപ്പായിരുന്ന കാര്യമാണെന്നും അദ്ദേഹം വ്യക്തമാക്കി. ദിലീപിനെതിരെയുള്ള ആരോപണങ്ങൾ താരതമ്യേന ദുർബലമായിരുന്നുവെന്നും കേസിലെ മറ്റ് പ്രതികൾക്ക് ശിക്ഷ ലഭിച്ചത് തന്നെ വലിയ കാര്യമാണെന്നും അദ്ദേഹം അഭിപ്രായപ്പെട്ടു. രാജ്യത്ത് ഗൂഢാലോചനാ കുറ്റം തെളിയിക്കുന്നത് വലിയ ബുദ്ധിമുട്ടുള്ള കാര്യമാണെന്നും അഡ്വക്കേറ്റ് ജയശങ്കർ വ്യക്തമാക്കി.
നമ്മുടെ ക്രിമിനൽ നീതിന്യായ വ്യവസ്ഥ, പ്രതികൾക്ക് അനുകൂലമായ രീതിയിലാണ് രൂപകൽപ്പന ചെയ്തിട്ടുള്ളത്. 'ആയിരം കുറ്റവാളികൾ രക്ഷപ്പെട്ടാലും ഒരു നിരപരാധി ശിക്ഷിക്കപ്പെടരുത്' എന്ന തത്വമാണ് നീതിന്യായ വ്യവസ്ഥയുടെ അടിത്തറ. സംശയാതീതമായ തെളിവുകൾ ഉണ്ടെങ്കിൽ മാത്രമേ പ്രതികളെ ശിക്ഷിക്കാൻ സാധിക്കൂ. ദിലീപിനെതിരെയുള്ള ആരോപണങ്ങൾ താരതമ്യേന ദുർബലമായിരുന്നു. ബലാത്സംഗ കേസിൽ ബിഷപ്പ് ഫ്രാങ്കോ മുളയ്ക്കലിനെ വെറുതെ വിട്ട കാര്യം അദ്ദേഹം ഉദാഹരിച്ചു.
ആ കേസിൽ പീഡനം നേരിട്ട കന്യാസ്ത്രീ വളരെ ബോൾഡായി കോടതിയിൽ മൊഴി നൽകി. കൂടെയുണ്ടായിരുന്ന എല്ലാ കന്യാസ്ത്രീകളും പ്രോസിക്യൂഷന് അനുകൂലമായി മൊഴി നൽകി. സാഹിത്യപരമായ തെളിവുകളും, രേഖാമൂലമുള്ള തെളിവുകളും കോടതിയിൽ ഹാജരാക്കി. ഫ്രാങ്കോയും കന്യാസ്ത്രീയും തമ്മിൽ ശാരീരിക ബന്ധം ഉണ്ടായിരുന്നു എന്ന് വരെ കോടതിയിൽ തെളിയിക്കപ്പെട്ടു. എന്നിട്ടും, സംശയത്തിന്റെ ആനുകൂല്യം നൽകി പ്രതിയെ വെറുതെ വിട്ടു. ഫ്രാങ്കോയുടെ കേസ് വെച്ച് നോക്കുമ്പോൾ, ദിലീപിനെതിരായ ആരോപണം എത്ര ദുർബലമാണെന്ന് മനസ്സിലാക്കാൻ സാധിക്കും.
ഗൂഢാലോചനാ കുറ്റം തെളിയിക്കുക എന്നത് രാജ്യത്ത് തന്നെ വളരെ ബുദ്ധിമുട്ടുള്ള കാര്യമാണ്. ആ കേസിൽ പീഡനം നേരിട്ട കന്യാസ്ത്രീ വളരെ ബോൾഡായി കോടതിയിൽ മൊഴി നൽകി. കൂടെയുണ്ടായിരുന്ന എല്ലാ കന്യാസ്ത്രീകളും പ്രോസിക്യൂഷന് അനുകൂലമായി മൊഴി നൽകി. സാഹിത്യപരമായ തെളിവുകളും, രേഖാമൂലമുള്ള തെളിവുകളും കോടതിയിൽ ഹാജരാക്കി. ഫ്രാങ്കോയും കന്യാസ്ത്രീയും തമ്മിൽ ശാരീരിക ബന്ധം ഉണ്ടായിരുന്നു എന്ന് വരെ കോടതിയിൽ തെളിയിക്കപ്പെട്ടു. എന്നിട്ടും, സംശയത്തിന്റെ ആനുകൂല്യം നൽകി പ്രതിയെ വെറുതെ വിട്ടു. ഫ്രാങ്കോയുടെ കേസ് വെച്ച് നോക്കുമ്പോൾ, ദിലീപിനെതിരായ ആരോപണം എത്ര ദുർബലമാണെന്ന് മനസ്സിലാക്കാൻ സാധിക്കും.
ഈ കേസിൽ പ്രോസിക്യൂഷൻ നിരവധി പ്രതികൂല സാഹചര്യങ്ങളെ നേരിട്ടു. സിനിമാ മേഖലയിലെ പ്രധാന സാക്ഷികൾ ഉൾപ്പെടെയുള്ളവർ കൂറുമാറി. രാഷ്ട്രീയപരമായ ഇടപെടലുകളും അന്വേഷണ ഉദ്യോഗസ്ഥരുടെ മേൽ വലിയ സമ്മർദ്ദവും ഉണ്ടായിരുന്നു. രണ്ട് പ്രോസിക്യൂട്ടർമാർ അവരുടെ ഉദ്യോഗം ഉപേക്ഷിച്ചു പോയി. മൂന്നാമത്തെ പ്രോസിക്യൂട്ടറാണ് കേസ് മുന്നോട്ട് കൊണ്ടുപോയത്. കോടതിയുടെ വിധി ദിലീപ് നിരപരാധിയാണെന്നോ നിർദോഷിയാണെന്നോ അർത്ഥമാക്കുന്നില്ല. ശിക്ഷിക്കാൻ പര്യാപ്തമായ തെളിവുകൾ ഹാജരാക്കാൻ പ്രോസിക്യൂഷന് സാധിക്കാതെ പോയതാണ് വെറുതെ വിടാൻ കാരണം. കോടതി വെറുതെ വിട്ടെങ്കിലും ദിലീപ് വലിയ ശിക്ഷ അനുഭവിച്ചു കഴിഞ്ഞു.
ഒരു 'ജനപ്രിയ നായകൻ' എന്ന നിലയിൽ എട്ട്-ഒൻപത് വർഷം പ്രതിക്കൂട്ടിൽ നിൽക്കേണ്ടി വന്നത് ചെറിയ ശിക്ഷയല്ല. ഈ കാലയളവിൽ അദ്ദേഹത്തിന് സിനിമയിലെ അവസരങ്ങൾ നഷ്ടപ്പെട്ടതും, സാക്ഷികളെ കൂറുമാറ്റാനും തെളിവുകൾ തിരുത്താനും മറ്റുമായി ഭീമമായ തുക ചെലവഴിക്കേണ്ടി വന്നതും വലിയ ശിക്ഷയാണ്. ഒന്നുമുതൽ ആറുവരെയുള്ള പ്രതികളെ ശിക്ഷിച്ചത് അത്ഭുതമാണ്. ദിലീപിന്റെ കാര്യത്തിൽ പ്രോസിക്യൂഷൻ അപ്പീലുമായി മുന്നോട്ട് പോകാൻ സാധ്യതയുണ്ടെന്നും അതിനാൽ നിയമനടപടികൾ അദ്ദേഹത്തിന് ഇനിയും തുടരേണ്ടി വരുമെന്നും അദ്ദേഹം സൂചിപ്പിച്ചു.