കോട്ടും സ്യൂട്ടും ഇട്ട് സിനിമാ സ്‌റ്റൈലില്‍ നീളന്‍ തോക്കുമായി നടന്നെത്തിയ അക്രമി; ലോബിക്കുള്ളില്‍ എത്തി ആദ്യം വെടിയുതിര്‍ത്തത് പോലീസുകാരന് നേരെ; പിന്നെ തുരുതുരാ വെടിവയ്പ്പ്; ന്യുയോര്‍ക്ക് നഗരത്തിന്റെ ഹൃദഭാഗത്ത് പട്ടാപ്പകല്‍ ആക്രമണം; നാലു മരണമെന്ന് റിപ്പോര്‍ട്ട്; 27കാരനായ അക്രമിയും കൊല്ലപ്പെട്ടു; അമേരിക്ക പരിശോധിക്കുന്നത് ഭീകരാക്രമണ സാധ്യത
ന്യുയോര്‍ക്ക്: ന്യൂയോര്‍ക്ക് നഗരത്തിന്റെ ഹൃദയഭാഗത്ത് പട്ടാപ്പകലുണ്ടായ വെടിവയ്പ്പില്‍ നാലു മരണമെന്ന് പ്രാഥമിക റിപ്പോര്‍ട്ട്. ഒരു തോക്കുധാരി പോലീസ് ഉദ്യോഗസ്ഥന് നേരെ വെടിയുതിര്‍ക്കുകയായിരുന്നു. ആള്‍ക്കൂട്ടത്തിലേക്കും ആക്രമണം നടത്തി. ആറു പേര്‍ക്കാണ് പരിക്കേറ്റത്. വെടിവയ്പ്പില്‍ പോലീസ് ഉദ്യോഗസ്ഥന് കൊല്ലപ്പെട്ടുവെന്നതിന് സ്ഥിരീകരണമുണ്ട്. ഇതിനൊപ്പം അക്രമിയും മരിച്ചു. അക്രമി ആത്മഹത്യ ചെയ്തതാണെന്നും പോലീസ് തിരിച്ചടിയില്‍ കൊല്ലപ്പെട്ടതാണെന്നും വാര്‍ത്തകളെത്തി. പിന്നീട് അക്രമിയെ കൊന്നതാണെന്ന് പോലീസ് സ്ഥിരീകരിച്ചു. ഇതിനൊപ്പമാണ് രണ്ടു മരണം കൂടി ഉണ്ടായെന്ന അനൗദ്യോഗിക റിപ്പോര്‍ട്ട്.
തിങ്കളാഴ്ച ബ്ലാക്ക്സ്റ്റോണ്‍ അസറ്റ് മാനേജ്മെന്റും എന്‍എഫ്എല്ലും സ്ഥിതി ചെയ്യുന്ന മിഡ്ടൗണ്‍ മാന്‍ഹട്ടന്‍ ഓഫീസ് കെട്ടിടത്തിന് സമീപം സ്പോര്‍ട്സ് കോട്ടും ബട്ടണ്‍ ഡൗണ്‍ ഷര്‍ട്ടും ധരിച്ച തോക്കുധാരി ആക്രമം നടത്തുകയായിരുന്നു. വലിയ റൈഫിള്‍ കൈവശം വച്ചിരിക്കുന്ന ഇയാളുടെ ചിത്രങ്ങള്‍ പുറത്തു വന്നിട്ടുണ്ട്. ലാസ് വെഗാസില്‍ നിന്നുള്ള 27 വയസ്സുള്ള ആളാണ് അക്രമിയെന്നാണ് സൂചന. സൈലന്‍ര്‍ ഘടിപ്പിച്ച തോക്കാണ് ആക്രമത്തിന് ഉപയോഗിച്ചത്. തീവ്രവാദ ആക്രമണമാണോ എന്ന് പോലീസ് പരിശോധിക്കുന്നുണ്ട്. അക്രമിയുടെ പൂര്‍ണ്ണ വിവരങ്ങള്‍ കണ്ടെത്താനാണ് ശ്രമം.
ഇയാള്‍ എന്ന് വിശ്വസിക്കപ്പെടുന്നു, വൈകുന്നേരം 6.30 ഓടെ ലോബിക്കുള്ളില്‍ ഏകദേശം 30 പേര്‍ ഉള്ളില്‍ വെടിയുതിര്‍ത്തപ്പോള്‍ അയാളുടെ വലിയ ആയുധത്തില്‍ ഒരു സൈലന്‍സര്‍ ഉണ്ടായിരുന്നുവെന്ന് സിഎന്‍എന്‍ റിപ്പോര്‍ട്ട് ചെയ്യുന്നു. മിഡ്ടൗണ്‍ മാന്‍ഹട്ടനിലെ അംബരചുംബിയായ ഓഫീസിലായിരുന്നു അക്രമണം. ഈസ്റ്റ് 52-ാം സ്ട്രീറ്റിലെ 345 പാര്‍ക്ക് അവന്യൂവിലെ ലോബിയിലാണ് വെടിവയ്പ്പ് നടന്നത്. രാത്രി എട്ടുമണിയോടെയാണ് അക്രമിയെ വകവരുത്തിയത്. പ്രതിയെ ഇതുവരെ തിരിച്ചറിഞ്ഞിട്ടില്ല. വെടിവയ്പ്പിനുള്ള കാരണവും വ്യക്തമല്ലെന്നും പോലീസ് അറിയിച്ചു.
തോക്കുമായി അക്രമി 365 പാര്‍ക്ക് അവന്യൂവിലെ കെട്ടിടത്തിലേക്ക് പ്രവേശിക്കുന്ന ചിത്രങ്ങള്‍ പുറത്തു വന്നിട്ടുണ്ട്. കൂസലില്ലാതെ കോട്ടു സൂട്ടമുമിട്ടാണ് ഇയാള്‍ എത്തിയത് എന്ന് വ്യക്തം. സുരക്ഷാ സംവിധാനങ്ങളെ എല്ലാം നോക്കു കുത്തിയാക്കിയായിരുന്നു ഇയാളുടെ വെടിയുതിര്‍ക്കല്‍.