വികസിത രാജ്യങ്ങളില്‍ പോലും ഉപയോഗിക്കുന്നത് ബാലറ്റ് പേപ്പര്‍; ഇവിടെ മാത്രം ഇവിഎം; മഹാരാഷ്ട്രയിൽ നടന്നത് അട്ടിമറി; ഇവിഎമ്മിനെതിരെ ആഞ്ഞടിച്ച് വീണ്ടും ഖര്‍ഗെ
അഹമ്മദാബാദ്: ഇവിഎമ്മിനെതിരെ ആഞ്ഞടിച്ച് വീണ്ടും ഖര്‍ഗെ രംഗത്ത്. വികസിത രാജ്യങ്ങൾ പോലും തെരഞ്ഞെടുപ്പിന് ബാലറ്റ് പേപ്പറാണ് ഉപയോഗിക്കുന്നതെന്ന് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖര്‍ഗെ വ്യക്തമാക്കി.ഇവിടെ മാത്രം ഇവിഎം ഉപയോഗിക്കുന്നു.അട്ടിമറിയുണ്ടെന്ന് തെളിയിക്കാനാണ് വെല്ലുവിളിക്കുന്നത്.
അത് തിരിച്ചറിയാൻ കഴിയാത്ത സാങ്കേതിക വിദ്യ ഉപയോഗിച്ചാണ് മെഷീനുകൾ നിർമ്മിക്കുന്നത്. പിന്നെ എങ്ങനെ തെളിയിക്കാനാകുമെന്നും അദ്ദേഹം ചോദിക്കുന്നു. മഹാരാഷ്ട്രയിൽ അട്ടിമറി നടന്നുവെന്നത് വ്യക്തമാണ്.ബാലറ്റ് പേപ്പർ തിരികെ കൊണ്ടുവരണം.കോൺഗ്രസ് തിരിച്ചു വരും..രാഹുൽ ഗാന്ധിയുടെ ഊർജ്ജം പാർട്ടിക്ക് ശക്തിയാകുമെന്നും അദ്ദേഹം വ്യക്തമാക്കി.
അതുപോലെ, രാജ്യത്ത് തൊഴിലില്ലായ്മ രൂക്ഷമായി തുടരുകയാണെന്നും. യുവാക്കൾ മറ്റ് രാജ്യങ്ങളിലേക്ക് പോകുന്നു. അങ്ങനെയുള്ളവരെയാണ് വിലങ്ങ് അണിയിച്ച് തിരിച്ചയച്ചത്. പ്രധാനമന്ത്രി ഒരക്ഷരം മിണ്ടിയില്ല
രാജ്യത്തെ സ്ഥാപനങ്ങളെല്ലാം കോൺഗ്രസ് ഭരണകാലത്ത് നിർമ്മിച്ചവയാണ്. ഇപ്പോൾ എല്ലാത്തിന്‍റേയും ശിൽപി താനാണെന്ന് മോദി പറയുന്നു. എത്ര പരിഹാസ്യമാണിത്.പൊതുമേഖലാ സ്ഥാപനങ്ങൾ മോദിയുടെ സുഹൃത്തുക്കൾക്ക് വിറ്റഴിക്കുന്നു.ഈ രാജ്യത്തെ തന്നെ ഒരു ദിവസം മോദി വിൽക്കുമെന്നും അദ്ദേഹം പരിഹസിക്കുകയും ചെയ്തു.