'വഖ്ഫ് കൊണ്ടുവന്നത് നെഹ്‌റു';'ഇത് അംബേദ്കറുടെ ഭരണഘടനയിൽ ഇല്ലായിരുന്നു'; ആഞ്ഞടിച്ച് കേന്ദ്രമന്ത്രി ശോഭ കരന്ദ്‌ലാജെ
വിജയപുര: മുസ്ലിം സമുദായത്തിൽ പെട്ടവരെ പ്രീണിപ്പിക്കാൻ വേണ്ടി 'ഗ്രാൻഡ് ഓൾഡ് പാർട്ടി' കർഷകരെ കൊല്ലുകയാണെന്ന് കേന്ദ്ര മന്ത്രി ശോഭ കരന്ദ്‌ലാജെ ശക്തമായി ആഞ്ഞടിച്ചു. 'വഖ്ഫ്' സ്വത്ത് വിഷയത്തിൽ കേരളം മുഴുവൻ നടത്തുന്ന പ്രക്ഷോഭത്തിന്റെ ഭാഗമായി ബിജെപി സംഘടിപ്പിച്ച പ്രതിഷേധത്തെ അഭിസംബോധന ചെയ്ത് കൊണ്ട് കർണാടകയിലെ ഭരണകക്ഷിയായ കോൺഗ്രസിനെതിരെ കേന്ദ്രമന്ത്രിയും മുതിർന്ന ബിജെപി നേതാവുമായ ശോഭ കരന്ദ്‌ലാജെ അതിരൂക്ഷമായി വിമർശിച്ചു.
അംബേദ്കറുടെ ഭരണഘടനയിൽ ഡബ്ല്യുസിപി നിയമത്തെക്കുറിച്ച് പരാമർശമില്ല. എന്നാൽ 1954-55ൽ നെഹ്‌റു സർക്കാർ വഖ്ഫ് നിയമം ഭരണഘടനയിൽ ചേർത്തുവെന്നും കേന്ദ്രമന്ത്രി ശോഭ കരന്ദ്‌ലാജെ പറഞ്ഞു.
'കോൺഗ്രസിന്റെ മുസ്ലീം പ്രീണന രാഷ്‌ട്രീയത്തിന്റെ ഭാഗമായി മുൻ പ്രധാനമന്ത്രി ജവഹർലാൽ നെഹ്‌റു ധാരാളം അധികാരങ്ങൾ നൽകിയ ഭരണഘടനാ വിരുദ്ധ സ്ഥാപനമാണ് വഖ്ഫ് ബോർഡ്. അന്നത്തെ സർക്കാർ ബോർഡിന് വളരെയധികം അധികാരം നൽകി, അതിന്റെ തീരുമാനത്തെ ഒരു സാധാരണ കോടതികൾക്കും ചോദ്യം ചെയ്യാൻ കഴിയുന്നില്ല' ശോഭ വ്യക്തമായി തുറന്നടിക്കുകയും ചെയ്തു.