കപ്പടിക്കണം..; മലയാളി താരം സഞ്ജുവിനെ പുറമെ മൂന്നുപേരെ കൂടി നിലനിർത്തി രാജസ്ഥാൻ റോയൽസ്; താരങ്ങളുടെ കഴിഞ്ഞ കൊല്ലത്തെ പ്രകടനം നിർണായകമാകും; പട്ടിക പുറത്ത്

ഡൽഹി: ക്രിക്കറ്റ് ആരാധകർ ഒന്നടങ്കം കാത്തിരിക്കുകയാണ് ഈ വർഷത്തെ ഐപിഎൽ സീസണിന് വേണ്ടി. ഈ വർഷത്തെ ഐ.പി.എൽ മെഗാലേലം ഉടൻ വരുമെന്നാണ് ആരാധകരുടെ പ്രതീക്ഷ. ഇപ്പോഴിതാ രാജസ്ഥാൻ റോയൽസിനെ സംബന്ധിച്ച ഒരു പ്രധാനപ്പെട്ട വാർത്തയാണ് പുറത്തുവരുന്നത്. മലയാളികളുടെ അഭിമാന താരം സഞ്ജു സാംസൺ കപ്പിത്താനായി നയിക്കുന്ന രാജസ്ഥാൻ റോയൽസ് നിലനിർത്തുന്ന താരങ്ങളുടെ പട്ടിക പുറത്തുവിട്ടിരിക്കുകയാണ്.

മലയാളി താരം സഞ്ജുവിന് പുറമെ യശസ്വി ജയ്സ്വാൾ, റിയാൻ പരാഗ്, സന്ദീപ് ശർമ എന്നിവരെയാണ് റോയൽസ് റീടെയ്ൻ ചെയ്യാൻ ഒരുങ്ങുന്നത്. ബാക്കി ശേഷിക്കുന്ന താരങ്ങളെ റിലീസ് ചെയ്യുമെന്നാണ് ലഭിക്കുന്ന റിപ്പോർട്ടുകൾ. കഴിഞ്ഞ സീസണിൽ തകർപ്പൻ പ്രകടനം കാഴ്ച്ച വച്ച താരങ്ങളെ ആയിരിക്കും രാജസ്ഥാൻ നിലനിർത്തുന്നത്.

16 മത്സരങ്ങളിൽ നിന്ന് 48.27 ശരാശരിയിൽ 531 റൺസാണ് പോയ സീസണിൽ ക്യാപ്റ്റൻ സഞ്ജു അടിച്ചു വാരിയത്. സീസണിൽ മൂന്ന് അർധ സെഞ്ച്വറി നേടിയ താരത്തിന്റെ ഉയർന്ന സ്കോർ 82* ആണ്. നാല് ഹാഫ് സെഞ്ച്വറി ഉൾപ്പെടെ 573 റൺസ് നേടിയ റിയാൻ പരാഗ് സീസണിലെ റൺവേട്ടക്കാരുടെ പട്ടികയിൽ മൂന്നാമനാണ്.

സീസണിൽ ഓരോ സെഞ്ച്വറിയും ഫിഫ്റ്റിയും നേടിയ യശസ്വി 225 റൺസ് സ്വന്തമാക്കുകയും ചെയ്തു. 11 മത്സരങ്ങളിൽ കളത്തിലിറങ്ങിയ സന്ദീപ്, രാജസ്ഥാനായി 13 വിക്കറ്റുകളാണ് അടിച്ചിട്ടത്. രാജസ്ഥാൻ റോയൽസ് 2008 ന് ആണ് അവസാന കീരീടം സ്വന്തമാക്കിയത്. അതുപ്പോലെ ഈ വർഷവും കപ്പടിക്കണം എന്ന ഒറ്റ ലക്ഷ്യത്തോടെ ആയിരിക്കും രാജസ്ഥാൻ ഗ്രൗണ്ടിൽ ഇറങ്ങുക. സഞ്ജുവിന്റെ തകർപ്പൻ ബാറ്റിങ്ങുകൾ കാണാൻ ആരാധകരും ഒന്നടങ്കം കാത്തിരിക്കുകയാണ്.