ഒരു മാഞ്ചസ്റ്റര്‍ സിറ്റി കളിക്കാരനെന്ന നിലയില്‍ ഇത് എന്റെ അവസാന മാസങ്ങളാണ്; നീലയില്‍ ഇനിയില്ല; കെവിന്‍ ഡി ബ്രൂയിനെ മാഞ്ചസ്റ്റര്‍ സിറ്റി വിട്ടു
മാഞ്ചസ്റ്റർ സിറ്റിയുടെ എക്കാലത്തെയും മികച്ച കളിക്കാരനായ ഡി ബ്രൂയിനെ ഈ വേനൽക്കാലത്ത് കരാർ അവസാനിക്കുന്ന പശ്ചാത്തലത്തിൽ മാഞ്ചസ്റ്റർ സിറ്റി ക്ലബ് വിടാൻ തീരുമാനിച്ചു. നിലവിൽ അദ്ദേഹത്തിന് അമേരിക്കയിലെയും സൗദി അറേബ്യയിലെയും ക്ലബ്ബുകളുമായി അദ്ദേഹത്തിന് ശക്തമായ ബന്ധമുണ്ട്. വെള്ളിയാഴ്ച രാവിലെ, ബെൽജിയൻ താരം എത്തിഹാദ് സ്റ്റേഡിയം വിടുകയാണെന്ന് പ്രഖ്യാപിച്ചു.
ക്ലബ്ബിന്റെ ആരാധകർക്കുള്ള ഒരു കത്തിൽ ഡി ബ്രൂയിൻ എഴുതി: “പ്രിയപ്പെട്ട മാഞ്ചസ്റ്റർ, ഇത് വായിക്കുമ്പോൾ, ഞാൻ എന്താണ് പറയാൻ പോകുന്നതെന്ന് നിങ്ങൾക്ക് മനസ്സിലാകും. അതിനാൽ ഞാൻ നേരിട്ട് അതിലേക്ക് കടക്കാം. ഒരു മാഞ്ചസ്റ്റർ സിറ്റി കളിക്കാരനെന്ന നിലയിൽ ഇത് എന്റെ അവസാന മാസങ്ങളാണെന്ന് നിങ്ങളെ എല്ലാവരെയും അറിയിക്കുന്നു. “ഇതിനെക്കുറിച്ച് എഴുതാൻ എളുപ്പമുള്ള കാര്യമല്ല, പക്ഷേ ഫുട്ബോൾ കളിക്കാരൻ എന്ന നിലയിൽ, ഈ ദിവസം ഒടുവിൽ വരുമെന്ന് നമുക്കെല്ലാവർക്കും അറിയാം. ആ ദിവസം ഇതാ വന്നിരിക്കുന്നു.”
വോൾഫ്സ്ബർഗിൽ നിന്ന് 54 മില്യൺ പൗണ്ട് മുടക്കി സൈൻ ചെയ്ത ഡി ബ്രൂയ്നെ സിറ്റിക്കൊപ്പം ആറ് പ്രീമിയർ ലീഗ് കിരീടങ്ങളും അഞ്ച് ലീഗ് കപ്പുകൾ, രണ്ട് എഫ്എ കപ്പുകൾ, ഒരു ചാമ്പ്യൻസ് ലീഗ് എന്നിവയും നേടിയിട്ടുണ്ട്.