ലയണല്‍ മെസ്സിയുടെ ഇന്റര്‍ മയാമിയുടെ എംഎല്‍എസ് കിരീട പ്രതീക്ഷയ്ക്ക് അവസാനം; ആദ്യ റൗണ്ടില്‍ പുറത്ത്: മെസിയ നേടിയ ഗോളും രക്ഷിച്ചില്ല: വന്‍തിരിച്ചടി
മിയാമി: ലയണല്‍ മെസ്സിയുടെ ഇന്റര്‍ മയാമിയുടെ എം എല്‍ എസ് കിരീട പ്രതീക്ഷയ്ക്ക് അവസാനം. ഇന്ന് അറ്റ്ലാന്റ യുണൈറ്റഡിന് എതിരെ നടന്ന പ്ലേ ഓഫ് ഡിസൈഡറില്‍ 3-2ന്റെ പരാജയം മയാമി നേരിട്ടു. ഇതോടെ സെമി കാണാതെ മെസ്സിയും ടീമും പുറത്തായി. മൂന്നിനെതിരെ രണ്ട് ഗോളിനാണ് ഇന്റര്‍മിയാമിയുടെ പരാജയം.
രണ്ടാം പകുതിയില്‍ ഹെഡറിലൂടെ മെസി സമനില നേടിയെങ്കിലും 76ാം മിനിറ്റില്‍ ബര്‍ടോസ് സ്ലീസിന്റെ ഹെഡറിലൂടെ അറ്റ്ലാന്റ ലീഡ് സ്വന്തമാക്കുകയായിരുന്നു. കൂടുതല്‍ ഗോളുകള്‍ നേടാന്‍ മെസിക് അവസരമുണ്ടായിരുന്നെങ്കിലും അദ്ദേഹത്തിന്റെ ഫ്രീകിക്കുകള്‍ അറ്റ്ലാന്റ പ്രതിരോധം തടഞ്ഞു. അവസാന മിനിറ്റുകളില്‍ കിട്ടിയ ഫ്രീകിക്കുകള്‍ മെസി ഗോളാക്കുമെന്ന് ആരാധകര്‍ കരുതിയെങ്കിലും ലക്ഷ്യം കണ്ടില്ല.
എംഎല്‍എസ് പ്ലേ ഓഫ് ചരിത്രത്തില്‍ തന്നെ ഏറ്റവും വലിയ തിരിച്ചടിയാണ് എംഎല്‍എസിനുണ്ടായത്. കഴിഞ്ഞ സീസണില്‍ ഏറ്റവും കൂടുതല്‍ പോയിന്റ് നേടിയ റെക്കോര്‍ഡുമായാണ് മിയാമി കളത്തിലിറങ്ങിയിരുന്നത്. മിയാമിയേക്കാള്‍ 34 പോയിന്റ് പിന്നിലുള്ള അറ്റ്ലാന്റ, ഈസ്റ്റേണ്‍ കോണ്‍ഫറന്‍സില്‍ ഒമ്പതാം സ്ഥാനത്തായിരുന്നു. വൈല്‍ഡ് കാര്‍ഡ് എന്‍ട്രിയിലാണ് പോസ്റ്റ്‌സീസണിലെത്തിയത്.