കിഴക്കമ്പലത്തെ തെരഞ്ഞെടുപ്പു ദിനത്തിലെ ആക്രമണം; ആറ് പേർ കൂടി അറസ്റ്റിൽ

ആലുവ :പഞ്ചായത്ത് തിര ഞ്ഞെടുപ്പിനോടനുബന്ധിച്ച് കിഴക്കമ്പലം ഏഴാം വാർഡിലെ കുമ്മനോട് ബൂത്തിൽ വോട്ട് ചെയ്യാനെത്തിയ യുവാവിനെ മർദ്ദിച്ച കേസിൽ ആറു പേരെ കൂടി കുന്നത്തുനാട് പൊലീസ് അറസ്റ്റ് ചെയ്തു. കോട്ടാലി കൂടി അബൂബക്കർ (50), ചക്കരക്കാട് മാഹിൻ അബൂബക്കർ (37), തേക്കൽ കുടി മനാഫ് (34) കോട്ടാലി കുടി ഹൈദരലി (45), കുടിലിൽ സിറാജ് (38), കൊട്ടാലികൂടി ഷംസുദ്ദീൻ (58) എന്നിവരെയാണ് അറസ്റ്റ് ചെയ്തത്.

ഇന്നലെ ഈ കേസിൽ ഒമ്പത് പേരെ അറസ്റ്റ് ചെയ്തിരുന്നു. ഇനി ഈ കേസിൽ ഒരാളെ കൂടി അറസ്റ്റ് ചെയ്യാനുണ്ട്.