യുവാവിനെ ഭീഷണിപ്പെടുത്തി പണവും സ്വർണവും തട്ടിയെടുത്തു; ഒരാൾ അറസ്റ്റിൽ

കാസർകോട്: യുവാവിനെ ഭീഷണിപ്പെടുത്തി പണവും സ്വർണവും തട്ടിയെടുത്ത കേസിൽ ഒരാളെ കൂടി പൊലീസ് അറസ്റ്റ് ചെയതു. നെല്ലിക്കട്ട നാരമ്പാടിയിലെ പി.എ.മുഹമ്മദ് ആസിഫി (27) നെയാണ് കഴിഞ്ഞ ദിവസം സിഐ.പി.അജിത്കുമാറും സംഘവും അറസ്റ്റ് ചെയ്തത്.

ജൂൺ 22ന് ബട്ടംപാറയിൽ വെച്ച് ചൗക്കി ആസാദ് നഗറിലെ കെ.എ.അഹമ്മദ് നിയാസിനെയാണ് കാറിൽ ഇരിക്കുമ്പോൾ മറ്റൊരു കാറിലെത്തിയ നാലംഗ സംഘം ഭീഷണിപ്പെടുത്തിയ ശേഷം കൈയിലുണ്ടായിരുന്ന 12000 രൂപ, എ.ടി.എം, പാൻ കാർഡുകൾ തട്ടിയെടുത്തത്.തുടർന്ന് വീട്ടിൽ കൊണ്ടുപോയി വീണ്ടും 15000 രൂപയും ഒമ്പത് ഗ്രാം സ്വർണവും തട്ടിയെടുക്കുകയായിരുന്നു. നിയാസ് നൽകിയ പരാതിയിൽ നേരത്തേ ഒരാളെ അറസ്റ്റ് ചെയ്തിരുന്നു.