ഓൺലൈൻ പഠനത്തിലേർപ്പെട്ട ഒമ്പത് വയസ്സുകാരിയുടെ ഫോണിലേക്ക് വാട്‌സ് ആപ്പ് വഴി നഗ്‌നത പ്രദർശനം: യുവാവ് അറസ്റ്റിൽ

അന്തിക്കാട്: ഓൺലൈൻ പഠനത്തിലേർപ്പെട്ട ഒമ്പത് വയസ്സുകാരിയുടെ ഫോണിലേക്ക് വാട്‌സ് ആപ് വഴി വിഡിയോ കോൾ ചെയ്ത് നഗ്‌നത പ്രദർശിപ്പിച്ച കേസിലെ പ്രതിയെ അന്തിക്കാട് പൊലീസ് അറസ്റ്റ് ചെയ്തു.

ആലപ്പുഴ ആറാട്ടുപുഴ സ്വദേശി സുധാകര ഭവനത്തിൽ ആദർശിനെയാണ് അന്തിക്കാട് എസ്.എച്ച്.ഒ പ്രശാന്ത് ക്ലിന്റ്, എസ്‌ഐ എ.കെ ശ്രീജിത്ത് എന്നിവർ ചേർന്ന് അറസ്റ്റ് ചെയ്തത്. പ്രതിയെ കോടതി റിമാൻഡ് ചെയ്തു. ഇയാൾ എറണാകുളത്തെ കമ്പനിയിൽ ശുചീകരണ തൊഴിലാളിയാണ്.