പേരാവൂർ: ഓണം സ്പെഷ്യൽ ഡ്രൈവിന്റെ ഭാഗമായി നടന്ന പരിശോധനയിൽ ആഡംബര വാഹനത്തിൽ കടത്തുകയായിരുന്ന 10 ലിറ്റർ നാടൻ ചാരായവുമായി യുവാവ് അറസ്റ്റിൽ. മാലൂർ തോലമ്പ്ര സ്വദേശി പ്രദീപ് കുമാറിനെ(39)യാണ് റേഞ്ച് എക്സൈസ് പ്രിവന്റിവ് ഓഫിസർ എൻ.പത്മരാജന്റെ നേതൃത്വത്തിൽ എക്സൈസ് സംഘം പിടികൂടിയത്.

കഴിഞ്ഞ ദിവസം രാത്രിയിൽ നടത്തിയ പരിശോധനയിലാണ് മഹീന്ദ്ര താർ ജീപ്പിൽ ചാരായം കടത്തുന്നതിനിടെ അറ്റയങ്ങാട് വച്ച് പിടികൂടിയത്. കെ.എൽ 57 ക്യു 3960 വാഹനം അധികൃതർ കസ്റ്റഡിയിലെടുത്തു. വാഹന പരിശോധനയിൽ ഐ.ബി പ്രിവന്റിവ് ഓഫിസർ ഒ.നിസാർ, പ്രിവന്റിവ് ഓഫിസർ ജോണി ജോസഫ്, സിവിൽ എക്സൈസ് ഓഫിസർമാരായ പി.വിജയൻ, ഉത്തമൻ.എം എന്നിവരുമുണ്ടായിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.