കുറ്റ്യാടി ഗോൾഡ് പാലസ് നിക്ഷേപ തട്ടിപ്പ്: മുസ്ലിം ലീഗ് നേതാക്കൾ ഡൽഹി വിമാനത്താവളത്തിൽ അറസ്റ്റിൽ

കോഴിക്കോട്: കുറ്റ്യാടി ഗോൾഡ് പാലസ് ജൂവലറി നിക്ഷേപ തട്ടിപ്പ് കേസിൽ മുസ്ലിം ലീഗ് നേതാക്കൾ അറസ്റ്റിൽ. പ്രവാസി ലീഗ് നേതാക്കളായ കരണ്ടോട് സ്വദേശികളായ തയ്യുള്ളതിൽ മുഹമ്മദ്, കച്ചേരി കെട്ടിയ പറമ്പത്ത് കെ പി ഹമീദ് എന്നിവരെ ഡൽഹി വിമാനത്താവളത്തിൽ നിന്ന് കുറ്റ്യാടി പൊലീസ്സ് അറസ്റ്റു ചെയ്തു.

ഇവർക്കെതിരെ കുറ്റ്യാടി പൊലീസ് ലൂക്കൗട്ട് പുറപ്പടിച്ചിരുന്നു. ഇവരെ ഖത്തറിൽ നിന്ന് ഇന്ത്യയിലെത്തിക്കാൻ നടപടി കെക്കൊണ്ടിരുന്നു. ബുധനാഴ്ച ഖത്തറിൽ നിന്ന് ഡൽഹി വിമാനത്താവളത്തിലെത്തിയതായിരുന്നു ഇരുവരും.