കണ്ണൂർ: കണ്ണൂർ നഗരത്തിൽ ഒറ്റനമ്പർ ലോട്ടറി ചൂതാട്ടം നടത്തിയ രണ്ടു പേരെ കണ്ണൂർ ടൗൺ ഹൗസ് സ്റ്റേഷൻ ഓഫിസർ ശ്രീജിത്ത് കോടേരിയുടെ നേതൃത്വത്തിൽ അറസ്റ്റു ചെയ്തു. കണ്ണുർ സ്റ്റേഡിയം കോർണറിലെ ഖാദി ഷോറൂമിനു സമീപത്തു വെച്ചു ഇന്നലെ രാവിലെ പത്തരയ്ക്കു ഒറ്റ നമ്പർ ചൂതാട്ടം നടത്തുകയായിരുന്ന കൊറ്റാളി അരയാക്കണ്ടി വീട്ടിൽ ശശീന്ദ്രൻ (65) 'തളാപ്പ് ഓലച്ചേരി കാവിന് സമീപം എം.രാഗേഷ് (46) എന്നിവരാണ് പിടിയിലായത്.

6700 രൂപയും ഒറ്റ നമ്പർ ചൂതാട്ടത്തിനുള്ള കടലാസുകളും മൊബൈൽ ഫോണുകളും പ്രതികളിൽ നിന്നും പിടിച്ചെടുത്തിട്ടുണ്ട്. കണ്ണുര കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു. കണ്ണൂർ ടൗൺ സ്റ്റേഷൻ ഓഫിസർ ശ്രീ ജിത്ത് കോടേരിക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ എസ്‌ഐ. നസീബിന്റെ നേതൃത്വത്തിലുള്ള പൊലിസ് സംഘമാണ് റെയ്ഡ് നടത്തിയത്.