ബധിരയും മൂകയുമായ യുവതിയെ വീട്ടിൽ അതിക്രമിച്ച് കയറി പീഡിപ്പിക്കാൻ ശ്രമിച്ചു; യുവാവ് അറസ്റ്റിൽ

കോലഞ്ചരി: ബധിരയും മൂകയുമായ യുവതിയെ വീട്ടിൽ അതിക്രമിച്ച് കയറി പീഡിപ്പിക്കാൻ ശ്രമിച്ചയാൾ അറസ്റ്റിൽ. വാളകം കുന്നക്കാൽ ആവുണ്ട ഭാഗത്ത് വെൺമേനിക്കുടിയിൽ രാഹുൽ(29) നെയാണ് പുത്തൻകുരിശ് പൊലീസ് അറസ്റ്റ് ചെയ്തത്. കഴിഞ്ഞ 25 ന് രാത്രി എട്ടരയ്ക്കാണ് താമസം. യുവതി ഒറ്റയ്ക്കു താമസിക്കുന്ന വീട്ടിലെത്തിയ രാഹുൽ പീഡിപ്പിക്കാൻ ശ്രമിക്കുകയായിരുന്നു.

തുടർന്ന് പ്രതി ഒളിവിൽ പോയി. ഇയാളെക്കുറിച്ച് യുവതി നൽകിയ ഏകദേശ ലക്ഷണങ്ങളുടെ അടിസ്ഥാനത്തിൽ പൊലീസ് നടത്തിയ ശാസ്ത്രീയ അന്വേഷണത്തിനൊടുവിലാണ് രാഹുൽ പിടിയിലാകുന്നത്. ഇൻസ്‌പെക്ടർ ടി. ദിലീഷ്, എസ്‌ഐ പി.വി സജി, ഏ.എസ്. ഐ ജിനു ജോസഫ് ,എസ്.സി.പി. ഒമാരായ ഡിനിൽ ദാമോധരൻ, മിനി അഗസ്റ്റിൻ തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.