ഓസ്ട്രേലിയയില് മലയാള ചലച്ചിത്ര സംഘടന 'ആംലാ'നിലവില്‍;കേരളത്തിന് പുറത്തെ ആദ്യ ചലച്ചിത്രകൂട്ടായ്മ
തിരുവനന്തപുരം: ഓസ്ട്രേലിയന്‍ മലയാളികളുടെ ചലച്ചിത്രാവിഷ്‌കാരങ്ങള്‍ക്കായി അസോസിയേഷന്‍ ഓഫ് മൂവി ലവേഴ്സ് ഓസ്ട്രേലിയ (അംലാ)എന്ന പേരില്‍ പുതിയ കൂട്ടായ്മ നിലവില്‍ വന്നു. ഇതാദ്യമായാണ് കേരളത്തിന് പുറത്ത് മലയാള ചലച്ചിത്ര സംഘടന രൂപീകൃതമാകുന്നത്. ഓസ്ട്രേലിയയില് സിനിമയുടെ വിവിധ മേഖലയില്‍ പ്രവര്‍ത്തിക്കുന്ന മലയാളി കലാകാരന്മാരും പ്രവര്‍ത്തിക്കാന്‍ ആഗ്രഹിക്കുന്ന പ്രവാസി മലയാളി കലാകാരന്മാരും ചലച്ചിത്ര കലാസ്വാദകരുമാണ് കൂട്ടായ്മയിലെ അംഗങ്ങള്‍.
സിനിമകള്‍, ഡോക്യുമെന്ററികള്‍, സംഗീത ആല്‍ബങ്ങള്‍,നാടകോത്സവം,റിയാലിറ്റി ഷോകള്‍,ടെലിവിഷന്‍ പരിപാടികള്‍ തുടങ്ങിയവയുടെ നിര്‍മാണം, പ്രദര്‍ശനം എന്നിവയ്ക്ക് പുറമെ ചലച്ചിത്ര കലാ പരിശീലനവും വിവിധ ചലച്ചിത്ര സംഘടനകളുമായി സഹകരിച്ച് കൊണ്ട് ഓസ്ട്രേലിയയില് മലയാളം ചലച്ചിത്രോത്സവവും സംഘടിപ്പിക്കാനുമാണ്ആംലാ ലക്ഷ്യമിടുന്നത്.
കേരളത്തില്‍ നിന്നോ വിദേശ രാജ്യങ്ങളില്‍ നിന്നോ സിനിമയുടെ ചിത്രീകരണവുമായി ബന്ധപ്പെട്ട് ഓസ്‌ട്രേലിയയില്‍ക്യൂന്‍സ്ലാന്‍ഡില്‍എത്തുന്ന മലയാള ചലച്ചിത്ര പ്രവര്‍ത്തകരുടെ ചിത്രീകരണത്തിനാവശ്യമായ ലൊക്കേഷന്‍,ലൈറ്റ് യൂണിറ്റ്, വിവിധ തരം ക്യാമറ ഉള്‍പ്പെടെ ചിത്രീകരണത്തിനാവശ്യമായ എല്ലാ സൗകര്യങ്ങളും നല്‍കുക, കേരളത്തില്‍ പുതുമുഖങ്ങള്‍ക്കും പ്രവാസി കലാകാരന്മാര്‍ക്കും അവസരം നല്‍കി ചെറിയ ബജറ്റില്‍ നിര്‍മ്മിക്കുന്ന കുടുംബചിത്രങ്ങള്‍ ഓസ്ട്രേലിയയില് സംഘടിപ്പിക്കുന്ന ചലച്ചിത്രമേളകളില്‍ പ്രദര്‍ശിപ്പിക്കുക. എന്നിവയുംആംലാലക്ഷ്യമിടുന്നു.
ക്വീന്‍സ്ലാന്‍ഡിലെ ഗോള്‍ഡ്കോസ്റ്റില്‍ സംഘടിപ്പിച്ച പൊതുസമ്മേളനത്തിലാണ്ആംലാ കൂട്ടായ്മ രൂപീകരിച്ചത്. യോഗത്തില്‍ പുതിയ ഭാരവാഹികളെയും തിരഞ്ഞെടുത്തു. ഭരണ സമിതി അംഗങ്ങളായി നടനും തിരക്കഥാകൃത്തും നിര്‍മ്മാതാവും സംവിധായകനുമായ ജോയ് കെ.മാത്യുപ്രസിഡന്റ്, നടിയും നര്‍ത്തകിയുമായഡോ.ചൈതന്യ ഉണ്ണിസെക്രട്ടറി,നടന്‍അഡ്വ.ഷാമോന്‍ അബ്ദുള്‍ റസാഖ്ട്രഷറര്‍,വൈസ് പ്രസിഡന്റ് സാജു സി.പി., ജോയിന്‍ സെക്രട്ടറി, ജോബിഷ് ലൂക്ക , സ്റ്റോറി കോഡിനേറ്റര്‍ ഇന്ദു എം.സുകുമാരന്‍,മ്യൂസിക് കോഡിനേറ്റര്‍ തങ്കം ടി.സി., ലൊക്കേഷന്‍ കോഡിനേറ്റര്‍ഷാജി തെക്ക്‌നത്ത്, പോള്‍ ഷിബു,ഈവന്റ് കോഡിനേറ്റര്‍ജിബി തോമസ്,ഷീജാ മോള്‍ സെബാസ്റ്റ്യന്‍, മീഡിയ കോഡിനേറ്റര്‍ മോന്‍സി മാത്യു, പ്രൊഡക്ഷന്‍ കോഡിനേറ്റര്‍പൗലോസ് പുന്നോര്‍പ്പിള്ളില്‍,ഫിനാന്‍സ് കോഡിനേറ്റര്‍ ജയലക്ഷ്മിതുടങ്ങിയവരെയും യോഗം ഐക്യകണ്ഠേന അടുത്ത രണ്ട് വര്‍ഷത്തേക്ക് തിരഞ്ഞെടുത്തു.
രണ്ട് മലയാള സിനിമകളുടേയും ഒരു ഡോക്യൂമെന്ററിയുടേയും ഭാഗമാകാനുംവിവിധ ചലച്ചിത്ര സംഘടനകളുമായി സഹകരിച്ച് കൊണ്ട് ചലച്ചിത്ര പ്രവര്‍ത്തകര്‍ക്കും കലാകാരന്മാര്‍ക്കും കലാസ്വാദകര്‍ക്കും ഉപകാരപ്രദമായ അടുത്ത രണ്ട് വര്‍ഷത്തേക്കുള്ള പദ്ധതികള്‍ ആവിഷ്‌കരിച്ച് നടപ്പിലാക്കാനും പൊതുയോഗം പുതിയ കമ്മിറ്റിയെ ചുമതലപ്പെടുത്തി.
പി ആര്‍ ഓ ആന്‍ഡ് മാര്‍ക്കറ്റിങ് കണ്‍സള്‍ട്ടന്റ്
പി.ആര്‍.
സുമേരന്‍ .
കൊച്ചി .
9446190 254
