കോതമംഗലം: കെ എസ് കെ ടി യു ജില്ലാ പ്രസിഡന്റും, സിപിഐ (എം) കോതമംഗലം ഏരിയാ കമ്മിറ്റി അംഗവുമായ നെല്ലിക്കുഴി ആഞ്ഞേലിയിൽ അസീസ് റാവുത്തർ ( 70) നിര്യതനായി. മുൻ ജില്ലാ പഞ്ചായത്തംഗം, നെല്ലിക്കുഴി മുൻ പഞ്ചായത്ത് പ്രസിഡന്റ് എന്നീ സ്ഥാനങ്ങൾ വഹിച്ചിട്ടുള്ള ഇദ്ദേഹം കോതമംഗലത്തെ മുതിർന്ന സിപിഐഎം നേതാക്കളിലൊരാളാണ്.

കമ്മ്യൂണിസ്റ്റ് പ്രസ്ഥാനത്തിന് വേണ്ടിയുള്ള സമർപ്പിത ജീവിതമായിരുന്നു . 1970ൽ എസ് എഫ് ഐ രൂപീകരണ സമ്മേളനത്തിലും 1980 ൽ ലുധിയാനയിൽ നടന്ന ഡി വൈ എഫ് ഐ രൂപീകരണ സമ്മേളനത്തിലും പ്രതിനിധി ആയിരുന്നു.1987-1992 കാലയളവിൽ നെല്ലിക്കുഴി പഞ്ചായത്ത് അംഗമായി പാർലമെന്ററി ജീവിതത്തിന് തുടക്കം കുറിച്ചു .
2000 - 2005 ൽ നെല്ലിക്കുഴി പഞ്ചായത്ത് പ്രസിഡന്റും തുടർന്ന് എറണാകുളം ജില്ലാ പഞ്ചായത്തംഗവുമായിരുന്നു.

നിരവധി ട്രഡ് യൂണിയനുകളുടെ ഭാരവാഹിത്വം വഹിച്ചിരുന്നു. ഖബറക്കം നടത്തി. ഭാര്യ മിസ, മക്കൾ: അൻസി ,ബാദുഷ (കുറ്റിലഞ്ഞി സർവീസ് സഹകരണ ബാങ്ക് ), മിൻസി മരുമക്കൾ ഐഷ, നിയാസ് (വാരപ്പെട്ടി ഗ്രാമ പഞ്ചായത്ത് സീനിയർ ക്ലർക്ക്).