ട്രാവല്‍ ഫീല്‍സ് ആന്‍ഡ് ഫീഡ്‌സ് പുസ്തകം പ്രകാശനം ചെയ്തു
കെപിസിസിയുടെ പ്രസിദ്ധീകരണ വിഭാഗമായപ്രിയദര്‍ശിനി പബ്ലിക്കേഷന്‍സ് സൊസൈറ്റിയുടെ പ്രസിദ്ധീകരണത്തില്‍ പുതിയ പുസ്തകം സുനില്‍ തോമസ് റാന്നി എഴുതുന്ന ആദ്യ പുസ്തകം ട്രാവല്‍ ഫീല്‍സ് ആന്‍ഡ് ഫീഡ്‌സ് പുസ്തക പ്രകാശനം പത്തനംതിട്ട റോയല്‍ ഓഡിറ്റോറിയത്തില്‍ വച്ച് നടന്നു.
കെപിസിസി പ്രസിഡന്റ സണ്ണി ജോസഫ് എം എല്‍ എ പുസ്തക പ്രകാശനം നിര്‍വഹിച്ചു .പ്രിയദര്‍ശിനി പബ്ലിക്കേഷന്‍സ് വൈസ് ചെയര്‍മാന്‍ പഴകുളം മധുവിന്റെ അധ്യക്ഷതയില്‍ യുഡിഎഫ് കണ്‍വീനര്‍ അടൂര്‍ പ്രകാശ് എം പി പുസ്തകം സ്വീകരിച്ചു.
ചടങ്ങില്‍ ഡി സി സി പ്രസിഡന്റ് പ്രൊഫ. സതീഷ് കൊച്ചു പറമ്പില്‍, മുന്‍ രാജ്യസഭാ ഉപാധ്യക്ഷന്‍ പിജെ കുര്യന്‍, പ്രിയദര്‍ശിനി പബ്ലിക്കേഷന്‍പത്തനംതിട്ട ജില്ലാ കോഡിനേറ്റര്‍ ജി. രഘുനാഥ്,തുടങ്ങിയവര്‍ പങ്കെടുത്തു.
യാത്രകളെ ഇഷ്ടപ്പെടുന്ന യാത്രാ അനുഭവത്തോടൊപ്പം യാത്ര നിര്‍ദേശങ്ങളുമായി യാത്രാ ഒരു വികാരവും വിലയിരുത്തലുമായിസുനില്‍ തോമസ് റാന്നിയാണ് പുസ്തകം എഴുതിയത്. ടൂറിസം രംഗത്ത് പ്രാദേശിക ടൂറിസം വികസിപ്പിക്കേണ്ടതിന്റെ ആവശ്യകത എടുത്തുപറഞ്ഞുകൊണ്ട് എഴുതുന്ന ഈ പുസ്തകം യാത്ര പ്രേമികള്‍ക്ക് ഒരു മുതല്‍ക്കൂട്ടാണ്.പത്തനംതിട്ട ജില്ലയിലെ ടൂറിസം രംഗത്ത് ശ്രദ്ധേയമായ നിര്‍ദ്ദേശങ്ങള്‍ കൂടി ഉള്‍പ്പെടുത്തിക്കൊണ്ടുള്ള പുസ്തകം ആണ് .
ഒരു പതിറ്റാണ്ടിലേറെയായി ബഹറിന്‍ പ്രവാസജീവിതം നയിക്കുന്ന സുനില്‍ തോമസ് പത്തനംതിട്ട ജില്ലയിലെ റാന്നി കീക്കൊഴൂര്‍ സ്വദേശിയാണ്. എഴുത്തും വായനയും കവിതകളും മനസ്സില്‍ പതിയുന്ന ആനുകാലിക വിഷയങ്ങളില്‍ പത്രങ്ങളുടെ എഡിറ്റോറിയല്‍ പേജില്‍ കത്തുകള്‍ എഴുതുന്നതും ഇഷ്ട വിനോദങ്ങളാണ്.
പത്രങ്ങളിലെ കത്തുകള്‍ എന്ന കോളത്തില്‍ പ്രസിദ്ധീകരിച്ച തെരഞ്ഞെടുത്ത നൂറു കത്തുകള്‍ അടുത്തതായി പ്രസിദ്ധീകരണത്തിനുള്ള പണിപ്പുരയിലാണ്.ഒരു കവിതാ സമാഹാരവും പുറത്തിറക്കാനുള്ള ശ്രമത്തിലാണ്. ട്രാവല്‍ ഫീല്‍സ് ആന്‍ഡ് ഫീഡ്‌സ് താമസിയാതെ ഓണ്‍ലൈന്‍ സൈറ്റുകളില്‍ ലഭ്യമാക്കുന്നതാണ്. പ്രിയദര്‍ശിനിപബ്ലിക്കേഷന്‍സ് ബഹറിന്‍ ചാപ്റ്റര്‍ രൂപീകൃതമായ ശേഷം ചുരുങ്ങിയ നാളുകള്‍ക്കുള്ളില്‍ തന്നെ ആദ്യമായി പ്രവാസ ലോകത്ത് നിന്നും ഇറങ്ങുന്ന പുസ്തകം എന്ന പ്രത്യേകതയും ഉണ്ട്.
