മനാമ : ബികാസ് ( ബഹ്റൈന്‍ ഇന്ത്യ കള്‍ച്ചറല്‍ ആന്‍ഡ് ആര്‍ട്‌സ് സര്‍വീസസ്) ന്റെയും കോണ്‍വെക്‌സ് മീഡിയയുടെയും ആഭിമുഖ്യത്തില്‍ ''ദീപാവലി ഉത്സവ് 2024'' ആഘോഷ പരിപാടികള്‍ നവംബര്‍ 8 നു വെള്ളിയാഴ്ചബഹ്റൈന്‍ കേരളീയ സമാജത്തില്‍ നടക്കും.

രാവിലെ 9 നു ആരംഭിക്കുന്ന രംഗോലി മത്സരത്തില്‍ ഇന്ത്യയിലെ വിവിധ സംസ്ഥാനങ്ങളിലെ നിരവധി ടീമുകള്‍ പങ്കെടുക്കും തുടര്‍ന്ന് വിവിധ സംസ്ഥാനങ്ങളെ പ്രതിനിധികരിച്ചു വൈകുന്നേരം 4നു സാംസ്‌കാരിക കലാപരിപാടികള്‍ അരങ്ങേറും . വൈകുന്നേരം 5.30 നു ആരംഭിക്കുന്ന ഉത്ഘാടന സഭയില്‍ ബഹ്റിനിലെ ഇന്ത്യന്‍ സ്ഥാനപതി വിനോദ് കെ ജേക്കബ് മുഖ്യ അതിഥിയായി പങ്കെടുക്കും .കൂടാതെ ബഹ്റൈന്‍ പാര്‌ലമെന്റ് അംഗം മുഹമ്മദ് ഹുസൈന്‍ അല്‍ ജനാഹി വിശിഷ്ട അതിഥിയായും പങ്കെടുക്കുമെന്ന് സംഘാടകര്‍ അറിയിച്ചു .

ഉത്ഘാടന സഭയ്ക്കു ശേഷം വൈകുന്നേരം 7.30 നു പിന്നണി ഗായകന്‍ നിഖില്‍ മാത്യു നയിക്കുന്ന മ്യൂസിക് ബാന്‍ഡില്‍ സോണി ടി വി റിയാലിറ്റി ഷോ ഫൈനലിസ്‌റ് റിതു രാജ് , കൂടാതെ മഴവില്‍ മനോരമ റിയാലിറ്റി ഷോ താരങ്ങളായ യദു കൃഷ്ണ , ശ്രീലക്ഷ്മി , വയലിനിസ്റ്റ് വിഷ്ണു നായര്‍ തുടങ്ങിയവര്‍ പങ്കെടുക്കും .

പരിപാടിയിലേക്കുള്ള പ്രവേശനം സൗജന്യമാണ്

'ദീപാവലി ഉത്സവ് 2024''

സ്വന്തം ലേഖകൻ