ഐ.വൈ.സി.സി ബഹ്റൈന്‍ ദേശീയ കമ്മിറ്റിയുടെ ആഭിമുഖ്യത്തില്‍ പൂവണി പൊന്നോണം ഓണാഘോഷം സംഘടിപ്പിച്ചു
മനാമ : ഐ.വൈ.സി.സി ബഹ്റൈന്‍ ദേശീയ കമ്മിറ്റിയുടെ ആഭിമുഖ്യത്തില്‍ മനാമ കെ. സിറ്റി ഹാളില്‍ വെച്ച് പൂവണി പൊന്നോണം ഓണാഘോഷം സംഘടിപ്പിച്ചു. വെള്ളിയാഴ്ച രാവിലെ 11 മണി മുതല്‍ വൈകിട്ട് 5.30 വരെ നീണ്ടു നിന്ന നിരവധി കലാ പരിപാടികളോടെ ആയിരുന്നു ആഘോഷം നടന്നത്, വിഭവ സമൃദ്ധമായ സദ്യയും ഉണ്ടായിരുന്നു,
പരിപാടി ഐ.വൈ.സി.സി ബഹ്റൈന്‍ ആക്ടിങ് പ്രസിഡന്റ് ഷംഷാദ് കാക്കൂറിന്റെ അധ്യക്ഷതയില്‍ ഐ.ഒ.സി ബഹ്റൈന്‍ ജനറല്‍ സെക്രട്ടറി ബഷീര്‍ അമ്പലായി ഉദ്ഘാടനം ചെയ്തു. ഐ.വൈ.സി.സി ജനറല്‍ സെക്രട്ടറി രഞ്ജിത്ത് മാഹി സ്വാഗതവും, ട്രെഷറര്‍ ബെന്‍സി ഗനിയുഡ് നന്ദിയും പറഞ്ഞു.
സഹൃദയ പയ്യന്നൂരിന്റെ നാടന്‍ പാട്ട് അടക്കമുള്ള കലാപരിപാടികള്‍, ഐ.വൈ.സി.സി വനിത വേദി പ്രതിനിധികള്‍ അവതരിപ്പിച്ച വിവിധ പരിപാടികള്‍,തിരുവാതിര, ഒപ്പന,ഗാനമേള, കസേരകളി, മിട്ടായി പെറുക്കല്‍ മത്സരം,സുന്ദരിക്ക് പൊട്ടു തൊടീല്‍ വടംവലി അടക്കമുള്ള മത്സരങ്ങള്‍ അരങ്ങേറി.
കൂപ്പണ്‍ നറുക്കെടുപ്പില്‍ ഐ.വൈ.സി.സി ഹിദ്ദ് - അറാദ് ഏരിയ സെക്രട്ടറി നിധിന്‍ ചെറിയാന്‍ സമ്മാനത്തിന് അര്‍ഹനായി.
പരിപാടിയുടെ കണ്‍വീനറും, ഐ.വൈ.സി.സി വൈസ് പ്രസിഡന്റുമായ അനസ് റഹീമിന്റെ നേതൃത്വത്തിലാണ് പരിപാടികള്‍ നടന്നത്,
കെ എം സി സി ആക്റ്റിംഗ് പ്രസിഡന്റ് സലിം തളങ്കര,കെ.എം.സി.സി ബഹ്റൈന്‍ ജനറല്‍ സെക്രട്ടറി ശംസുദ്ധീന്‍ വെള്ളിക്കുളങ്ങര,സാമൂഹിക പ്രവര്‍ത്തകയും, അധ്യാപികയുമായ ഷെമിലി പി ജോണ്‍ എന്നിവര്‍ ആശംസകള്‍ നേര്‍ന്നു,വനിതാ വേദി അംഗം രമ്യ റിനോ ആയിരുന്നു പരിപാടിയുടെ അവതാരക.
ഐ.വൈ.സി.സി ബഹ്റൈനിന്റെ പ്രവര്‍ത്തകരും, കുടുംബാംഗങ്ങളും അടക്കം നിരവധിപേരാണ് പങ്കെടുത്തതു. പ്രോഗ്രാമുകള്‍ക്ക് ഹരി ഭാസ്‌കരന്‍, ഫുഡ് കമ്മറ്റിക്ക് ഷാഫി വയനാട് എന്നിവരും സബ് കമ്മറ്റി അംഗങ്ങള്‍ ആയ ബേസില്‍ നെല്ലിമറ്റം,ജിതിന്‍ പരിയാരം ജയഫര്‍ അലി, രതീഷ് രവി, റാസിബ്, പ്രമീജ് വടകര, ഗംഗന്‍ മലയില്‍,റിയാസ്,ഷിജില്‍, നസീര്‍ പൊന്നാനി, വിജയന്‍ ഹമദ് ടൗണ്‍,മണികണ്ഠന്‍ കണ്ണൂര്‍, സൈജു സെബാസ്റ്റ്യന്‍ എന്നിവരുടെ നേതൃത്വത്തില്‍ ആയിരുന്നു ആഘോഷങ്ങള്‍ നടന്നത്.
