മലപ്പുറം എഫ്സി 40 ബ്രദേഴ്‌സ് ജില്ലാ കപ്പിന്റെ മൂന്നാം സീസണിലേക്ക് ഉള്ള ടീമിനെ പ്രഖ്യാപിച്ചു
മനാമ: ബഹ്റൈന്‍ മലപ്പുറം ജില്ലാ ഫോറം (BMDF)* അണിയിച്ചൊരുക്കുന്ന മലപ്പുറം എഫ്സി 40 ബ്രദേഴ്‌സ് ജില്ലാ കപ്പിന്റെ മൂന്നാം സീസണിലേക്ക് ഉള്ള ടീമിനെ പ്രഖ്യാപിച്ചു.നവംബര്‍ 13, 14, 15 തീയതികളില്‍ അല്‍ അഹ്ലി ക്ലബ്ബിലാണ് ടൂര്‍ണമെന്റ് നടക്കുക, അവസാന ക്വാര്‍ട്ടര്‍ ഫൈനല്‍ മത്സരത്തില്‍ വയനാട് ആണ് എതിരാളികള്‍.
ക്യാപ്റ്റന്‍ റൗഫിന്റെ നേതൃത്വത്തില്‍ പരിജയസമ്പത്തും യുവത്വവും ഒത്തുചേര്‍ന്ന ടീമില്‍ . അരീക്കോട് നിന്നുള്ള വിഷ്ണു, ഫിനു, വളാഞ്ചേരിക്കാരായ വിപു, മനു, ആബിദ്, തിരൂരില്‍ നിന്നുള്ള ബാസിത്ത്, അഭിജിത്ത്, തുവ്വൂരില്‍ നിന്നുള്ള മുസമില്‍, മേലാറ്റൂരില്‍ നിന്നുള്ള സിദ്ദിഖ്, ഇരുമ്പുഴി നിന്നുള്ള മുസ്താക്, കണ്ണൂരില്‍ നിന്നുള്ള ഗസ്റ്റ് ഗോള്‍കീപ്പര്‍ അലി എന്നിവരാണ് പന്ത് തട്ടാന്‍ ഉള്ളത് . മൊയ്ദീന്‍ ആണ് ടീം മാനേജര്‍ , ഷെരീഫ്, അര്‍ഷാദ്, നൗഫല്‍, ഹബീബ് എന്നിവര്‍ അസിസ്റ്റന്റ് മാനേജര്‍മാരായി പ്രവര്‍ത്തിക്കുന്നു.
നല്ല ഒത്തൊരുമയോടെ കളിക്കുന്ന കളിക്കാരും പന്തുകളിയെ സ്‌നേഹിക്കുന്ന ആരാധകരുടെ ശക്തമായ പിന്തുണയും ഉപയോഗിച്ച്, ജില്ലാ കപ്പില്‍ തങ്ങളുടെ ആദ്യ കിരീടം നേടി ചരിത്രം സൃഷ്ടിക്കാന്‍ ആണ് മലപ്പുറം എഫ്സി ലക്ഷ്യം വെക്കുന്നത്
