വംശീയതക്കെതിരെ സ്‌നേഹത്തിന്റെയും സൗഹൃദത്തിന്റെയും പ്രതിരോധം തീര്‍ക്കുക; പി.മുജീബ് റഹ്മാന്‍
മനാമ: വര്‍ത്തമാനകാലത്ത് വര്‍ധിച്ചുകൊണ്ടിരിക്കുന്ന വംശീയതക്കെതിരെ സ്‌നേഹത്തിന്റെയും സൗഹൃദത്തിന്റെയും പ്രതിരോധം തീര്‍ക്കേണ്ടത് പൊതുരംഗത്ത് പ്രവര്‍ത്തിക്കുന്ന എല്ലാവരുടെയും ബാധ്യതയാണെന്ന് ജമാഅത്തെ ഇസ്ലാമി കേരള അധ്യക്ഷന്‍ പി. മുജീബ് റഹ്മാന്‍ പറഞ്ഞു. ഫ്രന്‍ഡ്സ് സോഷ്യല്‍ അസോസിയേഷന്‍ സംഘടിപ്പിച്ച സാമൂഹികപ്രവര്‍ത്തകരുടെ സംഗമത്തില്‍ പങ്കെടുത്തു സംസാരിക്കുകയായിരുന്നു അദ്ദേഹം.
വംശീയമാഹാത്മ്യത്തിന്റെ അടിസ്ഥാനത്തില്‍ സ്വന്തത്തെ വിശുദ്ധനാക്കുകയും അപരനെ അശുദ്ധനാക്കുകയും ചെയ്യുന്ന പ്രവണതയാണ് വംശീയത. ആഗോളതലത്തില്‍ തന്നെ വളര്‍ന്നു വികസിച്ചു കഴിഞ്ഞ അത്യന്തം അപകടകരമായ ഒരു പ്രതിഭാസമാണിത്. ഇതിന്റെ ഏറ്റവും വലിയ ആയുധമാണ് ഇസ്ലാമോഫോബിയ. ഒരു സമൂഹത്തെ കുറിച്ച് തെറ്റിദ്ധാരണകളും ദുരൂഹതകളും കള്ളങ്ങളും പ്രചരിപ്പിച്ചു കൊണ്ടാണ് ഇസ്ലാമോഫോബിയ വികസിക്കുന്നത്. ഈയൊരു സ്വഭാവത്തിലുള്ള വംശീയഭ്രാന്ത് നമ്മുടെ നാട്ടിലും വളര്‍ന്നു വരുന്നത് ഏറെ ആശങ്കാജനകമാണ്. മലബാര്‍ എന്ന് കേള്‍ക്കുമ്പോഴും മലപ്പുറം എന്ന് കേള്‍ക്കുമ്പോഴും ഇപ്പോള്‍ ചിലര്‍ക്കുണ്ടാവുന്ന അസ്വസ്ഥകള്‍ ഇതിന്റെ ഭാഗമാണ്.
പരസ്പരബഹുമാനത്തിലും സഹവര്‍ത്തിത്വത്തിലും ജീവിച്ചു കൊണ്ടിരിക്കുന്ന ഒരു സമൂഹത്തില്‍ വിള്ളലുകളും ശൈഥില്യങ്ങളും ഉണ്ടാക്കിയെടുക്കാനാണ് വെറുപ്പിന്റെ പ്രചാരകര്‍ ശ്രമിച്ചു കൊണ്ടിരിക്കുന്നത്. ഈ ഹെയിറ്റ് കാമ്പയിനിനെതിരെ നിലകൊള്ളേണ്ടത് സമൂഹത്തിന്റെ മുന്നില്‍ നില്‍ക്കുന്നവരെന്ന നിലയില്‍ നമ്മുടെ ഓരോരുത്തരുടെയും ബാധ്യതയാണ്. വിശുദ്ധ വേദപുസ്തകങ്ങളും പ്രവാചകന്മാരും അതിന്റെ അനുയായികളെ ഉണര്‍ത്തുന്നത് ജനങ്ങള്‍ക്ക് വേണ്ടി ജീവിക്കാനും നീതിയുടെ പക്ഷം ചേര്‍ന്ന് പ്രവര്‍ത്തിക്കാനുമാണ്. ശരിയാണെങ്കിലും തെറ്റാണെങ്കിലും എന്റെ കൂട്ടരുടെ കൂടെ നില്‍ക്കുക എന്ന തെറ്റായ സന്ദേശമാണ് സമൂഹത്തില്‍ ഇന്ന് വ്യാപകമായി കൊണ്ടിരിക്കുന്നത്.
ഇതിനെതിരെ നീതിയുടെ പക്ഷത്ത് നില്‍ക്കാനും അതിന്റെ കാവലാളാവാനും നമുക്ക് കഴിയണം. ദൈവത്തിന്റെ പര്യായമാണ് നീതി എന്ന മഹിതമായ മൂല്യം. വേദഗ്രന്ഥം മുന്നോട്ട് വെക്കുന്ന മറ്റൊരു മഹിതമായ മൂല്യമാണ് കാരുണ്യം എന്നത്. പ്രളയകാലങ്ങളിലും കോവിഡിന്റെ ദുരിതനാളുകളിലും വയനാട് ദുരന്തത്തിലൊമൊക്കെ കേരളം കാരുണ്യത്തിന്റെ ഏറ്റവും സുന്ദരമായ ആവിഷ്‌കാരങ്ങളാണ് കാഴ്ച വെച്ചത്. ദുരിതമനുഭവിക്കുന്നവര്‍ക്ക് സമാശ്വാസവും തണലുമാവാന്‍ നമുക്ക് കഴിയണം. നമ്മുടെ മൂല്യങ്ങളെ ചുറ്റിലുമുള്ളവര്‍ക്ക് അനുഭവിപ്പിക്കാന്‍ നമുക്ക് സാധിക്കണം.
ഒരു വിശ്വാസിക്ക് ഒരിക്കലും ഭീകരവാദിയോ തീവ്രവാദിയെ ആകാന്‍ കഴിയില്ല.മലയാളിയുടെ മഹിതമായ മൂല്യബോധങ്ങളെ നഷ്ടപ്പെടുത്താന്‍ ഒരു ശക്തിയെയും നമ്മള്‍ അനുവദിക്കരുത്. ഇലകള്‍ തമ്മില്‍ തൊടുമെന്ന് പേടിച്ചു അകത്തി നാം നട്ട മരങ്ങള്‍ മണ്ണിനടിയില്‍ വേരുകള്‍ കൊണ്ട് കെട്ടിപിടിക്കുന്നത് പോലെ നമുക്ക് ചേര്‍ന്നു നില്‍ക്കാന്‍ സാധിക്കണമെന്നും അദ്ദേഹം കവി വീരാന്‍കുട്ടിയെ ഉദ്ധരിച്ചു കൊണ്ട് ഉണര്‍ത്തി.
പി.വി.രാധാകൃഷ്ണ പിള്ള, ഷംസുദ്ധീന്‍ വെള്ളിക്കുളങ്ങര, ബിനു കുന്നന്താനം, സാനി പോള്‍, ഇ.വി രാജീവന്‍, ഒ.കെ കാസിം , റഷീദ് മാഹി, മിനി മാത്യു, ഫ്രാന്‍സിസ് കൈതാരത്ത്, സേവി മാത്തുണ്ണി, ഡോ. പി.വി.ചെറിയാന്‍, റംഷാദ് അയിലക്കാട്, ലത്തീഫ് ആയഞ്ചേരി, ചെമ്പന്‍ ജലാല്‍, കെ.ടി സലിം, സുനില്‍ ബാബു, അനസ് റഹീം, സല്‍മാനുല്‍ ഫാരിസ്, വിനു ക്രിസ്റ്റി, കമാല്‍ മുഹ് യുദ്ധീന്‍, ജമാല്‍ കുറ്റിക്കാട്ടില്‍, നിസാര്‍ കൊല്ലം, ഫൈസല്‍ കോട്ടപ്പള്ളി തുടങ്ങിയവര്‍ സംസാരിച്ചു. സലാം മമ്പാട്ടുമൂല, അനില്‍കുമാര്‍ യു.കെ, ബിനീഷ് തോമസ്, സിറാജ് പള്ളിക്കര, ശുഭ, രാജീവ് വെള്ളിക്കോത്ത്, കാസിം പാടത്തകായില്‍, അന്‍വര്‍ നിലമ്പൂര്‍, അബ്ദുല്‍സലാം എന്‍.വി, മുജീബ്, രിസാലുദ്ധീന്‍, ഫൈസല്‍ പട്ടാണ്ടി, ഫസ് ലുല്‍ ഹഖ്, അഡ്വ. ഉവൈസ്, സെയ്ദ് ഹനീഫ്, എ.പി ഫൈസല്‍, എ.സി.എ.ബക്കര്‍, അന്‍വര്‍ കണ്ണൂര്‍, അബ്ദുല്ലത്തീഫ്, നൗഷാദ് മഞ്ഞപ്പാറ, വിനീഷ് എം.പി, ഹുസൈന്‍ വയനാട്, മണിക്കുട്ടന്‍, അനോജ് മാസ്റ്റര്‍, പ്രശാന്ത് പ്രബുദ്ധന്‍, ജ്യോതിഷ് പണിക്കര്‍, പ്രദീപ് പുറവങ്കര, രാജീവ് വെള്ളിക്കോത്ത്, അജി പി.ജോയ്, ആദര്‍ശ് മാധവന്‍കുട്ടി, ജേക്കബ് തേക്കുതോട്, മനോജ് വടകര, മോനി ഓടിക്കണ്ടത്തില്‍, ദീപക് തണല്‍, ബിജു ജോര്‍ജ്, ജവാദ് വക്കം, പി.വി സിദ്ധീഖ്, ഫൈസല്‍ കോട്ടപ്പള്ളി, പ്രദീപ് പുറവങ്കര, ബദ്‌റുദ്ദീന്‍ പൂവാര്‍, ജോഷി ജോസഫ്, നിയാസ്, സാലിഹ്, ജലീല്‍കുട്ടി, മജീദ് തണല്‍, ശുഭപ്രഭ രാജീവ്, മുഹമ്മദലി തൃശൂര്‍, ശറഫുദ്ധീന്‍ മാരായമംഗലം, ഹംസ, ഇസ്ഹാഖ് പി.കെ, ഫൈസല്‍ കണ്ടീത്താഴ, മുഹമ്മദ് മന്‍ഷീര്‍, തുടങ്ങിയ ബഹ്റൈനിലെ വിവിധ മേഖലകളിലുള്ള പ്രമുഖര്‍ പങ്കെടുത്തു.
ഫ്രന്‍ഡ്സ് സോഷ്യല്‍ അസോസിയേഷന്‍ പ്രസിഡന്റ് സുബൈര്‍ എം.എം അധ്യക്ഷത വഹിച്ച പരിപാടിയില്‍ വൈസ് പ്രസിഡന്റ് ജമാല്‍ ഇരിങ്ങല്‍ സ്വാഗതവും ജനറല്‍ സെക്രട്ടറി സഈദ് റമദാന്‍ നദ്വി നന്ദിയും പറഞ്ഞു. അനീസ് വി.കെ, മുഹമ്മദ് മുഹ് യുദ്ദീന്‍, അജ്മല്‍ ശറഫുദ്ദീന്‍, മൂസ കെ.ഹസന്‍, ജലീല്‍, റഷീദ സുബൈര്‍, സാജിദ സലിം, എ.എം. ഷാനവാസ്, ഗഫൂര്‍ മൂക്കുതല, ലത്തീഫ് കടമേരി തുടങ്ങിയവര്‍ നേതൃത്വം നല്‍കി.
