പാന്‍ പൊന്നോണം ൨൦൨൪ ഒക്ടോബര്‍ നാലിന്

ബഹറിനിലെ അറിയപ്പെടുന്ന സാമൂഹിക സാംസ്‌കാരിക ജീവകാരുണ്യ സംഘടനയായ പ്രവാസി അസോസിയേഷന്‍ അങ്കമാലി നെടുമ്പാശ്ശേരി (പാന്‍ ബഹറിന്‍) ഒക്ടോബര്‍ നാലാം തീയതി വെള്ളിയാഴ്ച 11 മണിക്ക് ബഹറിന്‍ മീഡിയ സിറ്റി ഹാളില്‍ വച്ച് പൊന്നോണം 2024 എന്ന പേരില്‍ ഓണാഘോഷം സംഘടിപ്പിക്കും എന്ന് സംഘടനയുടെ പ്രസിഡണ്ട് ഡന്നി മഞ്ഞളി, സെക്രട്ടറി ഡോളി ജോര്‍ജ് എന്നിവര്‍ പറഞ്ഞു.

ഓണാഘോഷങ്ങളുടെ സുഗമമായ നടത്തിപ്പിനുവേണ്ടി മുതിര്‍ന്ന അംഗം പോളി പറമ്പി -യുടെ നേതൃത്വത്തില്‍ ശ്രീമാന്‍ ഷിബു ജനറല്‍ കണ്‍വീനറായി വിപുലമായ ഓണാഘോഷ കമ്മിറ്റി രൂപീകരിക്കുകയും പോസ്റ്റര്‍ പ്രകാശനം നടത്തുകയും ചെയ്തു. അംഗങ്ങളുടെ വിവിധ കലാകായിക മത്സരങ്ങളും സ്വാദിഷ്ടമായ ഓണസദ്യയും ഉണ്ടായിരിക്കും എന്ന് വൈസ് പ്രസിഡണ്ട് റൈസണ്‍ വര്‍ഗീസ്, കോര്‍ ഗ്രൂപ്പ് ചെയര്‍മാന്‍ ഫ്രാന്‍സിസ് കൈതാരത്ത് എന്നിവര്‍ അറിയിച്ചു.