ഏഷ്യന്‍ യൂത്ത് റാപ്പിഡ് ചെസ്സ് ചാമ്പ്യന്‍ഷിപ്പ് 2025: ദിവി ബിജേഷിനു വീണ്ടും അഭിമാന നേട്ടം
തിരുവനന്തപുരം | 23 നവംബര്‍ 2025: തായ്ലന്‍ഡില്‍ നടന്ന ഏഷ്യന്‍ യൂത്ത് റാപ്പിഡ് ചെസ്സ് ചാമ്പ്യന്‍ഷിപ്പ് 2025 മത്സരത്തിലും അഭിമാന നേട്ടം കൈവരിച്ചു ദിവി ബിജേഷ്. അണ്ടര്‍-10 ഗേള്‍സ് വിഭാഗത്തില്‍ ഏഴു റൗണ്ടുകളായി നടന്ന മത്സരത്തില്‍ 6 പോയിന്റുകള്‍ നേടി ദിവി വീണ്ടും ചാംപ്യന്‍ഷിപ് സ്വന്തമാക്കി.
തിരുവനന്തപുരം കഴക്കൂട്ടം സ്വദേശിയായ ദിവിയുടെ ഈ ആഴ്ചയിലെ രണ്ടാമത്തെ ചാംപ്യന്‍ഷിപ്പാണിത്. കഴിഞ്ഞ ആഴ്ച നടന്ന കോമണ്‍ വെല്‍ത്ത് ചെസ് ചാമ്പ്യന്‍ഷിപ്പ് 2025 അണ്ടര്‍-12 പെണ്‍കുട്ടികളുടെ വിഭാഗത്തിലും ദിവി ജേതാവയിരുന്നു.
2025-ല്‍ ദിവി വേള്‍ഡ് കപ്പ് U-10 ഗേള്‍സ് ചാമ്പ്യന്‍, വേള്‍ഡ് കഡറ്റ് റാപ്പിഡ് ചാമ്പ്യന്‍, വേള്‍ഡ് കഡറ്റ് ബ്ലിറ്റ്സ് വൈസ് ചാമ്പ്യന്‍, വേള്‍ഡ് സ്‌കൂള്‍സ് ചെസ് വൈസ് ചാമ്പ്യന്‍ എന്നീ നേട്ടങ്ങളും ദിവി സ്വന്തമാക്കിയിട്ടുണ്ട് . 75-ത്തിലധികം മെഡലുകള്‍ നേടിയ ദിവി കേരളത്തിന്റെ ഏറ്റവും പ്രായം കുറഞ്ഞ വിമന്‍ കാന്‍ഡിഡേറ്റ് മാസ്റ്റര്‍ (WCM) കൂടിയാണ്. ഇന്ത്യയുടെ ആദ്യ U-10 ഗേള്‍സ് വേള്‍ഡ് കപ്പ് ചാമ്പ്യന്‍ എന്ന ബഹുമതിയും ദിവിക്കു സ്വന്തമാണ് . അലന്‍ ഫെല്‍ഡ്മാന്‍ പബ്ലിക് സ്‌കൂളില്‍ അഞ്ചാം ക്ലാസ് വിദ്യാര്‍ഥിനിയാണ് ദിവി. അച്ഛന്‍: ബിജേഷ്, അമ്മ: പ്രഭ, സഹോദരന്‍: ദേവ്‌നാഥ്.
