പാലാ ചാവറ പബ്ലിക് സ്‌കൂളില്‍ പുസ്തകനിറവ് ഇന്ന് മുതല്‍

പാലാ: കേരള സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ടിന്റെ ആഭിമുഖ്യത്തില്‍ പുസ്തകനിറവ് ശിശുദിനാഘോഷം എന്നിവ പാലാ ചാവറ പബ്ലിക്സ്‌കൂളില്‍ ഇന്നു മുതല്‍ (13/11/2024) 15 വരെ തീയതികളില്‍ നടക്കുന്നു. ശിശുദിനാഘോഷം സംസ്ഥാന ഭാഷാ ഇന്‍സ്റ്റിറ്റ്യൂട്ട് ഡയറക്ടര്‍ എം. സത്യന്‍ ഉദ്ഘാടനം ചെയ്യും.

ബാലസാഹിത്യ ഇന്‍സ്റ്റിറ്റ്യൂട്ട് ഡയറക്ടര്‍ പള്ളിയറ ശ്രീധരന്‍ അദ്ധ്യക്ഷനാകുന്ന ചടങ്ങില്‍ സിനിമ ഗാനരചയിതാവ് അജീഷ് ദാസന്‍, ചാവറ സ്‌കൂള്‍ പ്രിന്‍പ്പാള്‍ ഫാ. സാബു കൂടപ്പാട്ട്, ബാലസാഹിത്യ ഇന്‍സ്റ്റിറ്റ്യൂട്ട് ഭരണസമിതി അംഗം സിജിത അനില്‍ എന്നിവര്‍ പ്രസംഗിക്കും. കുട്ടികളിലെ വായന ശീലം പ്രോത്സാഹിപ്പിക്കുന്നതിനായി നടത്തിയ കഥ, കവിത മത്സരങ്ങളില്‍ വിജയികളായവര്‍ക്ക് സമ്മാനദാനവും പുസ്തക പ്രദര്‍ശനവും ഉണ്ടായിരിക്കുന്നതാണ്.