കുന്ദമംഗലം: കാരന്തൂര്‍ മര്‍കസ് ബോയ്‌സ് സ്‌കൂളില്‍ ഈ വര്‍ഷത്തെ എസ് എസ് എല്‍ സി വിജയോത്സവം പദ്ധതി ആരംഭിച്ചു. കേരള മിനറല്‍ ഡവലപ്‌മെന്റ് കോര്‍പറേഷന്‍ ചെയര്‍മാന്‍ വായോളി മുഹമ്മദ് മാസ്റ്റര്‍ പദ്ധതി ഉദ്ഘാടനം ചെയ്തു.ആള്‍ കേരള കിക്ക് ബോക്‌സിംഗ് മത്സരത്തില്‍ ജൂനിയര്‍ വിഭാഗത്തില്‍ സ്വര്‍ണ മെഡല്‍ നേടിയ സ്‌കൂളിലെ മുഹമ്മദ് അദ്നാന്‍ പി.ടിയെ ചടങ്ങില്‍ അനുമോദിച്ചു.

സ്‌കൂള്‍ പി ടി എ പ്രസിഡന്റ് ഷമീം കെ കെ അധ്യക്ഷത വഹിച്ചു. ഹെഡ്മാസ്റ്റര്‍ പി അബ്ദുന്നാസര്‍ ആമുഖപ്രസംഗം നടത്തി. നിശാദ് തിരൂര്‍ മോട്ടിവേഷന്‍ ക്ലാസിന് നേതൃത്യം നല്‍കി. അബ്ദുല്‍ ജലീല്‍ കെ, പി സി എ റഹീം, അസീസ് ഇ എ, ഹാശിദ് കെ, നൗശാദ് വി സംബന്ധിച്ചു. ശക്കീര്‍ സി കെ സ്വാഗതവും സ്‌കൂള്‍ ലീഡര്‍ മുഹമ്മദ് അന്‍സഫ് നന്ദിയും പറഞ്ഞു.

സ്വന്തം ലേഖകൻ