കെ പി സി സി പ്രസിഡന്റ് കെ സുധാകരന്‍ കാന്തപുരത്തെ സന്ദര്‍ശിച്ചു.

കുന്ദമംഗലം: കെ പി സി സി പ്രസിഡന്റ് കെ സുധാകരന്‍ സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറിയും മര്‍കസ് സാരഥിയുമായ കാന്തപുരം എ പി അബൂബക്കര്‍ മുസ്ലിയാരെ സന്ദര്‍ശിച്ചു. ജില്ലയില്‍ വിവിധ പരിപാടികള്‍ക്ക് എത്തിയ കെപിസിസി അധ്യക്ഷന്‍ വൈകുന്നേരം നാലിനാണ് മര്‍കസില്‍ എത്തി കാന്തപുരത്തെ കണ്ടത്. കൂടിക്കാഴ്ച 20 മിനുട്ടോളം നീണ്ടു.

ഡി സി സി പ്രസിഡന്റ് കെ പ്രവീണ്‍കുമാര്‍, കെ പി സി സി ജനറല്‍ സെക്രട്ടറി കെ ജയന്ത്, എന്‍ സുബ്രമണ്യന്‍ സന്നിഹിതരായിരുന്നു.