മാറിയിടം എല്‍ ബി എം ലൈബ്രറി വാര്‍ഷികാഘോഷവും ഓണാഘോഷം നടത്തി
മാറിയിടം: എല്‍ ബി എം ലൈബ്രറിയുടെ വാര്‍ഷികാഘോഷവും ഓണാഘോഷ സമാപന സാംസ്‌കാരിക സംഗമവും മീനച്ചില്‍ താലൂക്ക് ലൈബ്രറി കൗണ്‍സില്‍ പ്രസിഡന്റ് ഡോ സിന്ധുമോള്‍ ജേക്കബ് ഉദ്ഘാടനം ചെയ്തു. ലൈബ്രറി പ്രസിഡന്റ് ഷാജി സെബാസ്റ്റ്യന്‍ അധ്യക്ഷത വഹിച്ചു. കിടങ്ങൂര്‍ പോലീസ് ഇന്‍സ്‌പെക്ടര്‍ രാംദാസ് മുഖ്യാതിഥിയായിരുന്നു.
മാറിയിടം പള്ളി വികാരി ഫാ. സ്റ്റാബിന്‍ നീര്‍പ്പാറ മലയില്‍ ഓണ സന്ദേശം നല്‍കി. കുട്ടികളും യുവാക്കളും വീട്ടമ്മമാരും മുതിര്‍ന്ന പൗരന്മാരും ഉത്സാഹത്തോടെ പങ്കെടുത്ത വിവിധ കലാ കായിക മല്‍സരങ്ങള്‍, മാരത്തോണ്‍, സൗഹൃദ വടംവലി, ഫാന്‍സിഡ്രസ്സ്, വിദ്യാര്‍ത്ഥികള്‍ക്കായുള്ള അക്കാദമിക്ക് മല്‍സരങ്ങള്‍ എന്നിവ നടന്നു. നാടിന്റെ അഭിമാനമായി ജില്ലാ സംസ്ഥാന അത്ലറ്റിക് മല്‍സരങ്ങളില്‍ മികച്ച നേട്ടം കൊയ്ത അനില ഷെബിന്‍ പുല്‍പറമ്പില്‍ ചടങ്ങില്‍ ആദരവ് ഏറ്റുവാങ്ങി. ചങ്ങമ്പുഴയുടെ വാഴക്കുല എന്ന കാവ്യത്തെ അടിസ്ഥാനമാക്കി നടത്തപ്പെട്ട മികച്ച ഫാന്‍സി ഡ്രസ്സ് ഒന്നാം സമ്മാനത്തിന് അര്‍ഹമായി. താലൂക്ക് കൗണ്‍സില്‍ കമ്മറ്റിയംഗം സി.കെ ഉണ്ണികൃഷ്ണന്‍, പഞ്ചായത്തംഗങ്ങളായ ലൈസമ്മ ജോര്‍ജ്ജ്, ബിന്‍സി സാവിയോ ആര്‍ പി എസ് പ്രസിഡന്റ് അലക്‌സ് കുരുവിള പടിക്കമ്യാലില്‍, ലൈബ്രറി സെക്രട്ടറി ബേബി കെ.എം. എന്നിവര്‍ പ്രസംഗിച്ചു.
