കുന്ദമംഗലം: കേരള സര്‍ക്കാരിന്റെ ന്യൂനപക്ഷ ക്ഷേമ വകുപ്പിന്റെ ആഭിമുഖ്യത്തില്‍ കാരന്തൂര്‍ മര്‍കസ് ബോയ്‌സ് സ്‌കൂളില്‍ ഏകദിന സൗജന്യ വ്യക്തിത്വ വികസന, കരിയര്‍ ഗൈഡന്‍സ് ക്യാമ്പ് 'പാസ് വേര്‍ഡ്' സംഘടിപ്പിച്ചു. പത്താംതരം വിദ്യാര്‍ഥികള്‍ക്കായി സംഘടിപ്പിച്ച പരിപാടി ജില്ലാ പഞ്ചായത്ത് മെമ്പര്‍ എം ധനീഷ്‌ലാല്‍ ഉദ്ഘാടനം ചെയ്തു.

സ്‌കൂള്‍ പിടിഎ പ്രസിഡന്റ് ശമീം കെ കെ അധ്യക്ഷത വഹിച്ചു. കോഴിക്കോട് മൈനോരിറ്റി കോച്ചിംഗ് സെന്റര്‍ പ്രിന്‍സിപ്പല്‍ ഡോ. പി പി അബ്ദുള്‍ റസാഖ് വിഷയാവതരണം നടത്തി. ശക്കീര്‍ ചോല, അശ്റഫ് കാരന്തൂര്‍, ശ്രീജ, നസീറ, ശുറൈഫ് സംബന്ധിച്ചു. സ്‌കൂള്‍ ഹെഡ്മാസ്റ്റര്‍ പി അബ്ദുന്നാസര്‍ സ്വാഗതവും സി.പി ഫസല്‍ അമീന്‍ നന്ദിയും പറഞ്ഞു

സ്വന്തം ലേഖകൻ