പ്രതിധ്വനി ബ്രേക്ക്ത്രൂ സയന്‍സ് സൊസൈറ്റിയുമായി (Breakthrough science society) സഹകരിച്ച് സംഘടിപ്പിച്ച ടെലസ്‌കോപ്പ് വഴി ആകാശ നിരീക്ഷണ പരിപാടി 2025 ജനുവരി 25 ശനിയാഴ്ച ടെക്‌നോപാര്‍ക്ക് ഫേസ് 1-യിലെ ആംഫി തിയേറ്ററില്‍ വന്‍ വിജയമായി. വൈകുന്നേരം 4:30 മുതല്‍ രാത്രി 11:00 വരെ നീണ്ടുനിന്ന ഈ പരിപാടി 500-ലധികം ഐ ടി കുടുംബങ്ങള്‍ കുട്ടികളോടൊപ്പം പങ്കെടുത്തു.

സൂര്യന്‍, വ്യാഴം, ശുക്രന്‍, ചൊവ്വ, ശനി, നക്ഷത്രക്കൂട്ടങ്ങള്‍, ആന്‍ഡ്രോയിഡ് ഗാലക്‌സി എന്നിവ ടെലസ്‌കോപ്പിലൂടെ എത്തിയവര്‍ നിരീക്ഷിച്ചു. 5 ടെലിസ്‌കോപ്പുകള്‍ ആണ് ഉണ്ടായിരുന്നത്. കൂടാതെ, ആകാശത്തെയും ഗ്രഹങ്ങളെയും കുറിച്ചുള്ള ക്വിസ് മത്സരവും ശാസ്ത്രീയ പ്രഭാഷണവും കുട്ടികളുടെ മനോഹരമായ കലാപരിപാടികളും പരിപാടിക്ക് വൈജ്ഞാനികവും വിനോദാത്മകവുമായ അന്തരീക്ഷം ഒരുക്കി.

പ്രതിധ്വനി സയന്‍സ് ക്ലബ്ബിന്റെ ആഭിമുഖ്യത്തില്‍ നടന്ന പ്രോഗ്രാമില്‍ പങ്കെടുത്ത എല്ലാ ഐ.ടി. ജീവനക്കാരെയും അവരുടെ കുടുംബങ്ങളെയും പ്രതിധ്വനി സയന്‍സ് ക്ലബ് കണ്‍വീനര്‍ ജോണ്‍സന്‍ കെ ജോഷിയും ബ്രേക്ക് ത്രൂ സയന്‍സ് സൊസൈറ്റിയുടെ ജയകൃഷ്ണനും നന്ദി അറിയിച്ചു.

പ്രതിധ്വനി

സ്വന്തം ലേഖകൻ