രാഹുല്‍ മാങ്കൂട്ടത്തില്‍ കാന്തപുരത്തെ സന്ദര്‍ശിച്ചു

കാരന്തൂര്‍: പാലക്കാട് നിയമസഭ ഉപതിരഞ്ഞെടുപ്പ് യു ഡി എഫ് സ്ഥാനാര്‍ഥി രാഹുല്‍ മാങ്കൂട്ടത്തില്‍ സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി കാന്തപുരം എ പി അബൂബക്കര്‍ മുസ്ലിയാരെ സന്ദര്‍ശിച്ചു. രാവിലെ 6 മണിക്ക് മര്‍കസില്‍ നടന്ന കൂടിക്കാഴ്ച അരമണിക്കൂറോളം നീണ്ടു. തിരഞ്ഞെടുപ്പിന് മുമ്പായി അനുഗ്രഹം വാങ്ങാന്‍ എത്തിയതാണെന്നും എല്ലാവര്‍ക്കും ഇടമുള്ള കേന്ദ്രമാണ് മര്‍കസ് എന്നും രാഹുല്‍ മാങ്കൂട്ടത്തില്‍ പറഞ്ഞു. ഡി സി സി പ്രസിഡന്റ് കെ പ്രവീണ്‍കുമാര്‍, അബ്ദു റഹ്മാന്‍ എടക്കുനി, അബ്ദുല്‍ ജബ്ബാര്‍ നരിക്കുനി എന്നിവര്‍ സന്നിഹിതരായിരുന്നു. ഏതാനും ദിവസങ്ങള്‍ക്ക് മുമ്പ് പാലക്കാട്ടെ ഇടതുപക്ഷ സ്ഥാനാര്‍ഥി ഡോ. പി സരിനും കാന്തപുരത്തെ സന്ദര്‍ശിച്ചിരുന്നു