സംസ്ഥാന സര്‍ക്കാരിന്റെ വിജ്ഞാന കേരളം പദ്ധതിയുടെ ആഭിമുഖ്യത്തില്‍ കെ-ഡിസ്‌കുമായി സഹകരിച്ച് ശ്രീശങ്കരാചാര്യ സംസ്‌കൃത സര്‍വ്വകലാശാലയുടെ കാലടി മുഖ്യക്യാമ്പസില്‍ വിദ്യാര്‍ത്ഥികള്‍ക്കായി കരിയര്‍ ഓറിയന്റേഷന്‍ സെമിനാര്‍ സംഘടിപ്പിക്കുന്നു. ഓഗസ്റ്റ് 19ന് രാവിലെ 10.30ന് യൂട്ടിലിറ്റി സെന്ററില്‍ നടക്കുന്ന കരിയര്‍ ഓറിയന്റേഷന്‍ സെമിനാര്‍ വിജ്ഞാന കേരളം ഉപദേഷ്ടാവും മുന്‍മന്ത്രിയുമായ ഡോ. ടി. എം. തോമസ് ഐസക് ഉദ്ഘാടനം ചെയ്യും.

വൈസ് ചാന്‍സലര്‍ പ്രൊഫ. കെ. കെ. ഗീതാകുമാരി അധ്യക്ഷയായിരിക്കും. കേരള നോളജ് ഇക്കോണമി മിഷന്‍ ഡയറക്ടര്‍ ഡോ. പി. എസ്. ശ്രീകല പദ്ധതി അവതരണം നടത്തും. സിന്‍ഡിക്കേറ്റ് അംഗങ്ങളായ അഡ്വ. കെ. എസ്. അരുണ്‍കുമാര്‍, ആര്‍. അജയന്‍, രജിസ്ട്രാര്‍ ഡോ. മോത്തി ജോര്‍ജ്ജ്, സര്‍വ്വകലാശാല യൂണിയന്‍ ചെയര്‍പേഴ്‌സണ്‍ പി. എം. അശ്വന്ത്, ജനറല്‍ സെക്രട്ടറി കെ. അശ്വിന്‍ എന്നിവര്‍ പ്രസംഗിക്കും. നൂര്‍ സ്‌കില്‍സ് സ്ഥാപകനും ചീഫ് കോച്ചുമായ മുഹമ്മദ് പി. ഹാഷിം കരിയര്‍ ഓറിയന്റേഷന്‍ സെമിനാര്‍ നയിക്കും.

സ്വന്തം ലേഖകൻ