സംസ്‌കൃത സര്‍വ്വകലാശാലയില്‍ 'ആദരാര്‍പ്പണം' നടന്നു
ശ്രീശങ്കരാചാര്യ സംസ്‌കൃത സര്‍വ്വകലാശാലയും കോട്ടയ്ക്കല്‍ ആര്യവൈദ്യശാലയും സംയുക്തമായി സംഘടിപ്പിച്ച 'ആദരാര്‍പ്പണം' കാലടി മുഖ്യ ക്യാമ്പസിലെ ലാംഗ്വേജ് ബ്ലോക്കിലുളള സെമിനാര്‍ ഹാളില്‍ നടന്നു. പണ്ഡിത ദമ്പതികളായ ഡോ. കെ. ജി. പൗലോസ്, പ്രൊഫ. ടി. കെ. സരള എന്നിവരെ പരിപാടിയില്‍ ആദരിച്ചു. സിന്‍ഡിക്കേറ്റ് അംഗവും ആയുര്‍വേദ വിഭാഗം പ്രൊഫസര്‍ ഇന്‍ ചാര്‍ജ്ജുമായ ഡോ. എം. സത്യന്‍ അധ്യക്ഷനായിരുന്നു. വൈസ് ചാന്‍സലര്‍ ഡോ. കെ. കെ. ഗീതാകുമാരി 'ആദരാര്‍പ്പണം' പരിപാടിയുടെ ഉദ്ഘാടനം നിര്‍വ്വഹിച്ചു.
കോട്ടയ്ക്കല്‍ ആര്യവൈദ്യശാല മാനേജിംഗ് ട്രസ്റ്റിയും ചീഫ് ഫിസിഷ്യനുമായ ഡോ. പി. എം. വാരിയര്‍ മുഖ്യപ്രഭാഷണം നടത്തി. 'കൈക്കുളങ്ങര രാമവാരിയര്‍ - പ്രജ്ഞയും പ്രതിഭയും' എന്ന പുസ്തകത്തിന്റെ പ്രകാശനം ഡോ. കെ. ജി. പൗലോസ് നിര്‍വ്വഹിച്ചു. സിന്‍ഡിക്കേറ്റ് അംഗം ഡോ. വി. ലിസി മാത്യു പുസ്തകം ഏറ്റുവാങ്ങി. കോട്ടയ്ക്കല്‍ ആര്യവൈദ്യശാല ചീഫ് മെഡിക്കല്‍ ഓഫീസര്‍ ഡോ. ടി. എസ്. മാധവന്‍കുട്ടി, സിന്‍ഡിക്കേറ്റ് അംഗങ്ങളായ ഡോ. വി. ലിസി മാത്യു, ഡോ. ടി. മിനി, രജിസ്ട്രാര്‍ ഡോ. മോത്തി ജോര്‍ജ്ജ്, പി. കെ. ഉഷ, ഡോ. കെ. ജി. പൗലോസ്, പ്രൊഫ. ടി. കെ. സരള, ഡോ. കെ. യമുന, ഡോ. കെ. മുരളി എന്നിവര്‍ പ്രസംഗിച്ചു.
തുടര്‍ന്ന് 'ആയുര്‍വേദം ഒരു ജ്ഞാന വ്യവസ്ഥ' എന്ന വിഷയത്തില്‍ നടന്ന സെമിനാറിന്റെ ആദ്യ സെഷനില്‍ ഡോ. സൂസന്‍ തോമസ് അധ്യക്ഷയായിരുന്നു. ഡോ. എം. വി. വിനോദ് കുമാര്‍, ഡോ. എ. കെ. അനൂപ്, ഡോ. പി. കവിത എന്നിവര്‍ പ്രബന്ധങ്ങള്‍ അവതരിപ്പിച്ചു. രണ്ടാമത്തെ സെഷനില്‍ ഡോ. പി. ഉണ്ണികൃഷ്ണന്‍ അധ്യക്ഷനായിരുന്നു. ഡോ. കെ. ഇ. ഗോപാലദേശികള്‍, ഡോ. ശ്രീദേവി എന്നിവര്‍ പ്രബന്ധങ്ങള്‍ അവതരിപ്പിച്ചു.
