തിരൂര്‍: പഹല്‍ഗാം സംഭവത്തിന്റെ മറവില്‍ മുസ്ലിം സമൂഹത്തിനെതിരെ പൊതുവിലും കശ്മിരീ ജനങ്ങള്‍ക്കെതിരെ സവിശേഷമായും ഹിന്ദുത്വ ഭീകരര്‍ നടത്തിക്കൊണ്ടിരിക്കുന്ന ആക്രമണങ്ങള്‍ തടയാന്‍ സര്‍ക്കാര്‍ തയാറാവണമെന്ന് സോളിഡാരിറ്റി സംസ്ഥാന പ്രസിഡന്റ് തൗഫീഖ് മമ്പാട്. തിരൂരില്‍ നടന്ന സംസ്ഥാന മുറബ്ബി മീറ്റ് ഉദ്ഘാടനം ചെയ്യുകയായിരുന്നു അദ്ദേഹം.

രാജ്യത്ത് മുസ്ലിങ്ങള്‍ വ്യാപകമായി അക്രമിക്കപ്പെടുന്ന സാഹചര്യമുണ്ട്. ആഗ്രയില്‍ മുസ്ലിം യുവാവിനെ വെടിവെച്ചു കൊലപ്പെടുത്തിയ സംഭവവും ഭീകരരുടെ വീടെന്നാരോപിച്ച് കശ്മീരില്‍ വീടുകള്‍ തകര്‍ത്ത സംഭവവും ഉള്‍പ്പടെ നിരവധി സംഭവങ്ങള്‍ രാജ്യത്തിന്റെ വിവിധ ഭാഗങ്ങളില്‍ അരങ്ങേറുകയാണ്. ഹിന്ദുത്വ ഭീകരരുടെ അഴിഞ്ഞാട്ടം രാജ്യത്തിന്റെ ക്രമസമാധാന നില അപകടത്തിലാക്കുമെന്നും അദ്ദേഹം പറഞ്ഞു.

വിവിധ സെഷനുകളിലായി സംസ്ഥാന ജനറല്‍ സെക്രട്ടറി ടി ഇസ്മാഈല്‍, ഷമീല്‍ സജ്ജാദ്, ബിനാസ് ടി.എ, ഷബീര്‍ കൊടുവള്ളി, അജ്മല്‍ കെ.പി, സി.ടി സുഹൈബ്, ഷാഹിന്‍ സി.എസ് എന്നിവര്‍ സംസാരിച്ചു

സ്വന്തം ലേഖകൻ