ഡോ. മോത്തി ജോര്‍ജ്ജ് സംസ്‌കൃത സര്‍വ്വകലാശാല രജിസ്ട്രാര്‍

ശ്രീ ശങ്കരാചാര്യ സംസ്‌കൃത സര്‍വ്വകലാശാലയുടെ പുതിയ രജിസ്ട്രാറായി ഡോ. മോത്തി ജോര്‍ജ്ജ് ചുമതലയേറ്റു. അമ്പലപ്പുഴ ഗവണ്‍മെന്റ് കോളേജിന്റെ പ്രിന്‍സിപ്പലായിരുന്നു. ഇതേ കോളേജില്‍ സാമ്പത്തികശാസ്ത്ര വിഭാഗം അസോസിയേറ്റ് പ്രൊഫസറായിരിക്കെയാണ് പുതിയ നിയമനം. കേരള സര്‍വ്വകലാശാലയില്‍ നിന്നും സാമ്പത്തിക ശാസ്ത്രത്തില്‍ പിഎച്ച്.ഡി. നേടി. കേരള സര്‍വ്വകലാശാലയുടെ യുജി- സാമ്പത്തികശാസ്ത്ര വിഭാഗം ബോര്‍ഡ് ഓഫ് സ്റ്റഡീസ് ചെയര്‍മാനും, പി. ജി. ബോര്‍ഡ് ഓഫ് സ്റ്റഡീസ് അംഗവുമാണ്. 15 ഗവേഷണ പ്രബന്ധങ്ങള്‍ പ്രസിദ്ധീകരിച്ചിട്ടുണ്ട്. ഡോക്ടറല്‍ പഠനങ്ങള്‍ക്കുളള ജവഹര്‍ലാല്‍ നെഹ്‌റു മെമ്മോറിയല്‍ സ്‌കോളര്‍ഷിപ്പ് നേടിയിട്ടുണ്ട്. യൂണിവേഴ്‌സിറ്റി ഓഫ് ഫിലിപ്പീന്‍സില്‍ റിസര്‍ച്ച് ഫെലോ ആയിരുന്നു. ആലപ്പുഴ സ്വദേശിയാണ്.